蘿蔔糕

年，又過年.......又係整蘿蔔糕既時候！

又去好友屋企整，今次四個人整，目標15底！

先去食D野，再去街市買料，先買錫紙兜，見到有膠兜改左買膠兜，後來想起個煲放唔到錫紙兜（太高身），個膠兜更高，結果要返去買返錫紙兜！，跟住買臘味，有鵝肝腸、臘腸、臘肉，仲有買冬菇、蝦米、瑤柱，好友順便買左十兩瑤柱用禮盒裝住送比媽媽，我地買粘米粉時，店員叫我地買澄麵，我地原本食譜冇用，咁見好多人都用就試下！蘿蔔買左30斤，一返到去即刻開工，浸冬菇、蒸臘味、蘿蔔刨絲、切條，撈粉、切臘味，都攪左幾個鐘，終於整左17底，計一計材料費用，平均每底$60，今次效果冇咁好，可能加左澄麵，感覺D粉唔溶得晒咁，定係我地攪得唔好呢？而且用少左臘味，冇上次咁豐富了！