整完頭髮，去返iSquare食晚飯，今朝已經見到有間鰻魚店，所以特登去試吓，呢度淨係做鰻魚，門口有個炭爐，可以隔住玻璃睇到師傅在燒鰻魚，我叫咗一個鰻魚重 上，佢有好多款唔同價錢嘅鰻魚飯，主要係個份量多少分別，當然可以叫一條整鰻魚食啦，唔少得要叫一個燒鰻魚肝，不過就冇試到個湯喇，通常去日本食鰻魚飯必定有一個湯，因為有D咳，所以叫咗杯柚子蜜算喇，個鰻魚好好食，出乎意料之外地好食，同日本食嘅質素差唔多，唔怪得佢門口要預備定位比人排隊啦，不過趁晚飯時間之前去食就唔使排隊啦！呢個一定要再嚟食，平時去整頭髮一定去食山頭火食拉麵，以後睇怕要改去呢度食鰻魚飯了！
沒有留言:
發佈留言