終於等到星期一，今次旅行最重要的行程！要避開 weekend ，所以要等兩日先去，今日天氣都ok ，我地一早起身去食D野，近近地在民宿附近，火車站旁的一家老舊小店，餐牌全日文，正在向店員指手畫腳溝通叫野食，店員勿然用國語問我們是中國人嗎？咁就好溝通了，叫左烏冬、手羽先、關東煮等，食物麻麻，不過廸士尼果邊太早冇乜野食，所以求其食D野！
搭 JR 去東京站轉京葉線去舞濱，今日先去廸士尼樂園果邊，我地買兩日門票，去樂園呢邊唔使搭車，行過去就得，先去 locker 放低隻喼，一入去就搵 fast pass 攞，今日雖然係星期一，都係好多！可能因為呢邊35週年，所以多人一D，我地行左一個圈攞 fastpass，佢有D fast pass 係比張飛你，再在指定時間先再返來取 fast pass ! 我地先玩D唔使 fast pass 而排隊時間短的機動遊戲，跟住行左一陣差不多要巡遊，所以坐低等，個巡遊好似上次冇睇，唔特別靚而且好快完！
睇完巡遊，先食晏，去左愛麗斯餐廳食，食完又去玩機動遊戲同 shopping 仲同一款帽，一人買一頂！好攪笑！玩到夜晚睇埋煙花，再去 shopping ，今次大家都冇乜點買野，可能要海洋果邊D野先啱D！
去完樂園，返民宿前去食野，近近地走左去秋葉原搵食，因為已經夜了，好多店都關左，在冇乜選擇下，去左絆魚壽司，早幾年新宿果間好好食，自從做左放題之後，越來越差，呢兩年都唔再去！今晚因為冇選擇，見呢間新開咁，比多次機會佢，叫左壽司同丼，質素都係麻麻！而且價錢偏貴，冇下次！食完野見近近地，搭的士，價錢比想像中平，二千幾円返到樓下，除開四份，以車程計，大約是香港的士約四份一價錢！\
沒有留言:
發佈留言