之前在日本食過好好味嘅幸福 pancake ，終於在香港開店了！店子開在利園第三期，今日開業當然要第一時間去試下啦！我哋嘅策略係冇錯嘅，就係先取票，然後去食飯，再翻返嚟，食咗個半鐘頭，返來嘅時候號碼已經過咗，不過俾返個號碼佢，會重新再叫過我地先，所以基本上回來一陣就有位喇！
餐牌同日本果個基本上係一樣，當然價錢就貴左好多啦，始終香港嘅租金都係好貴！成本問題，價錢一定貴左好多，我地叫咗一個原味疏乎里 pancake 同埋一個雜莓醬，另外一人一壼茶，佢地有供應清水，同日本店一樣，都有自助水機，可以自己斟水，廚房亦都同日本一樣，都係隔左塊玻璃，食客都可以睇到pancake 製作過程，餐牌上面寫明製作需時大約要20分鐘，不過見廚房不停做，實際只係等左十分鐘左右，從外表睇，個樣係冇乜分別，味道方面都好食，不過唔及日本嘅好食！始終食材唔同，不過都好食！雖然頭先午餐都食得幾飽，不過呢種疏乎里 pancake，食落去都係一陣風咁，唔會好飽，好開心可以在香港食到！我地食完都唔坐咁耐，因為真係好多人等位，所以食完就嗱嗱聲走，等其他人可以快D有位入座！
沒有留言:
發佈留言