一幻

今日去睇家電、家品展覽，會展極之多人，因為同時有美食博覽會，我冇去美食博覽會，淨係想去睇吓家電、家品，呢邊嘅會場靜好多，而且主要都係展銷，好多電器同埋家品都係做特價，當然唔少得一D示範，我見到我一路想買嘅不鏽鋼鑊，但係覺得價錢唔係特別平，都係考慮下先！

去睇展覽之前，去咗食拉麵，呢間一幻，未開之前見到個鋪位好細，知道佢會在呢度開店，開咗之後因為多人，一直冇去試，今日就去試一試佢，店子比想像中大，店內只有兩、三個客，我坐咗則邊面壁位，叫左一碗原味拉麵同餃子，拉麵的湯底好重蝦味，麵條就揀咗粗麵，味道都 ok 唔算特別好食，拉麵入面有半隻半熟蛋，同一塊叉燒，叉燒就普普通通，至於餃子就麻麻地，我以為呢D比較出名日本拉麵店，餃子會好食，但係佢好似係雪藏餃子，而且裏面冇乜汁，所以麻麻地！