鮮蝦番茄意粉

又整意粉食，跟網上嘅食譜做一個簡單既鮮蝦意粉，材料鮮蝦幾隻、番茄仔幾粒、番茜、蒜頭半個、當然唔少得意粉啦！食譜本來有辣椒，但係我唔記得咗買，咁唔落辣椒都得，首先切碎咗番茜，留返條番茜莖，搣咗D蒜頭，番茄一開二，D蝦切左個蝦頭留返佢，然後蝦身剝殼切雙飛，然後落鹽、油、番茜碎醃D蝦約十五分鐘，開細火在鑊落油，落蒜頭同埋番茜莖兜香佢，跟住落蝦頭煎香佢，煎幾分鐘，跟住在另一個煲煮定意粉，然後去返個煎緊蝦頭隻鑊度，將番茄放埋落鑊煎，番茄皮向上，蕃茄就冇咁容易爛，煮幾分鐘到蕃茄煮淋左，就夾起D蝦頭、蒜頭、番茜莖，跟住落D蝦身兜到八、九成熟，盛起D蝦身，將煮好的意粉放入鑊，如果太乾就加D意粉水，意粉同D蕃茄一齊兜下，如果可以就拋鑊，然後落D番茜碎一齊兜，再加返D蝦身落去，煮到D蝦全熟就得喇，落返少少黑胡椒同鹽調味就得喇！