新．泰東南亞餐廳

因為有同事升職，所以今晚請食飯，去咗呢間新開唔係好耐嘅餐廳，話說我哋上次在隔離果間火鍋食飯，當時見到呢間餐廳新開，話下次去試下！今次就係”下次”喇，今晚餐廳都有好多位，可能尋晚世界盃總決賽，好多人捱夜睇波，今日收工要早D返去瞓，所以比較靜！

我地訂咗一間房，因為人未齊，所以叫住D小食食住先！食得泰國菜又點少得生蝦刺身？除左生蝦刺身我地又叫左燒西冷牛扒、柚子沙律、小食拼盤、青木瓜沙律等，食完一輪小食都未齊人，原本約咗七點嘅飯局，終於要八點半先齊人！人齊我地再叫左咖喱蟹、爆炸蟹、炸魚、飛天通菜、海南雞同埋豬手等等，都食得好飽！因為餐廳未有酒牌，所以我地自己買酒過嚟飲，亦都唔使比開瓶費，所以買咗兩支紅酒同埋買咗一D啤酒，不過紅酒真係麻麻地好飲！

食飽主菜，就梗係要食甜品啦，我地叫左個甜品拼盤，有芒果糯米飯、椰汁糕、綠豆糕等等，不過我冇乜點食，因為真係好飽！