又有同事離職，又有 farewell dinner，去左尖沙咀食，呢間第一次食，形式同新南苑好相似，都係半任食，每位$318 ，又係先食雞煲，之後火鍋，我地訂左房，最低消費$3000，我地九個人，一定有$3000！坐低人未齊先叫左一煲雞煲，雞煲是任食的，不過上左火鍋就唔可以再叫雞煲！我地叫左BB辣，味道唔錯，到人齊又叫一個，一煲大約有半隻雞，食完再來一煲，一共食左三煲！好味！
食完雞煲，先來一碟水果，話果醋有益，又清一清個口，跟住就上刺身，刺身只上一次，再加就要另外計錢，刺身有三文魚、北寄貝、帶子、八爪魚同埋蝦，都好新鮮！D蝦都幾大隻！食完剌身，又比碗透明的凉粉我地，佢本來話要 like 佢地 Facebook 先有，我地話like 左，佢地就比我地！火鍋跟住上，先來一盤海鮮和牛肉，海鮮同牛肉都係供應一次，再加要另計，火鍋配料就可以免費加，都係D丸類同菜菜，其實火鍋前已經有D飽，所以都唔使加野！海鮮有蟹、象仔蚌、硯、鮑魚、帶子、魚片，可以加$30將蟹 upgrade 轉龍蝦，我地轉左龍蝦，好正！
大家都食到好飽，但總有位食甜品！甜品係北海道牛乳蛋白，都蒸得好滑，係細碗左D！
沒有留言:
發佈留言