銀袋

姐夫生日同屋企人去食buffet，去咗沙田馬場食，餐廳做緊五送一promotion ，即係六個人有一個免費，佢地本來五個人去，見有優惠，就叫埋我，咁我又去黐餐啦！

今期係食片皮鴨，buffet 六點半開始，我哋因為行錯路所以遲咗，好彩仲有得食，因為職員話六點半開始供應好快會食晒，其實我覺得佢係想d人早d去，早d食完，因為我地食到尾佢都仲有得供應！食物嘅選擇唔算好多，都係一d大路嘅嘢，質素都算OK ，海鮮方面有蟹腳、熟蝦、青口、螺等等，亦都有壽司刺身，燒牛肉亦都唔少得，每樣都攞少少食，始終食量唔大！呢度個玻璃窗可以望到馬場的終點站，今日無跑馬，所以冇乜嘢睇！

食到最後有甜品，蛋糕之類我有冇興趣，所以食咗水果同埋豆腐花！老媽子食到最後，估唔到最有食力係佢！