泰邊爐

今晚又約咗好友食榴槤，先去食咗晚飯先，今日假期旺角周圍都要等位，見到呢間唔使等價錢又唔係太貴所以就試下，呢間主要係任食火鍋，不過加左一D泰式風味，我哋叫咗椰子雞湯底同埋咖喱湯底，食物除咗一般火鍋配料，仲有一D泰式食物，例如生菜包、炒椰菜、泰式甜品等等，食物質素就真係麻麻地，特別係美國肥牛，每次只係比兩碟，每碟只有兩大薄片，不過百幾蚊嘅收費應該都係咁上下質素！

食完又約咗另一好友在果欄會合，今次想睇下有冇紅蝦，但係行左咁多檔都冇，最後只係買咗金枕頭同埋貓山王，買完又去好友屋企食，先食咗金枕頭先，因為貓山王味道好香，驚食完返唔到轉頭，金枕頭食過好多次，今次呢個比較乾身，味道都係咁上下唔係特別靚，今日呢個有九磅重，而貓山王就有四磅幾，食完金枕頭就到貓山王，味道有點澀，唔係想像中咁好食，不過有少少回甘，不過依以錢來計，下次未必會再買！