漁火

約了好友食飯，睇完戲先去，之前約左成兩個月都約唔到，最後放棄經常夾唔到時間果兩個，一行七人，六大一小去打邊爐，呢間第一次來，兩枱唔識的人坐一間房內，頗嘈吵，幸好另一枱好快走，之後冇人入，我地先可以包房食！我地叫左菜乾豬肺湯底，好少用呢一個做湯底，店員叫我地先飲湯，個湯都幾好飲，我哋差唔多飲晒成煲，再加返湯打邊爐，食物方面呢度冇乜特別食材，都係D大路野，我地叫左牛頸脊、脆肉骨腩、響鈴、雲吞、韮菜餃、午餐肉等等，呢度D脆肉骨腩好厚身，正，食完飯趕下場，去金鐘睇煙花同倒數！