利苑

睇完戲約咗好友在九龍灣吃飯，晚飯時間好多地方都無位，我哋七個人，好多食店只有細枱，最後揀咗貴一點的利苑！就一定有位！

今晚係慶祝好友生日，佢帶埋佢個仔來，小朋友都好耐冇見喇！已經九歲仔，成晚淨係帶住耳機睇住手機玩遊戲，樣樣野都話唔食，問佢食唔食麥當勞佢即刻話食！我哋話食完飯帶佢麥當勞，佢覺得難以置信，因為我地一路叫佢食D野先，食食下就話唔去麥當勞，我哋話一定帶佢去叫佢食咗嘢先！

我地叫咗一個六人套餐，有三個前菜、燉湯、炒龍躉球、鮑魚鵝掌、薑蔥焗大蝦、貴妃雞、同埋龍蝦湯泡飯，食物質素都唔錯，份量亦都啱啱好，我地都買咗蛋糕，今次係我買，本來想去九龍城買，但係佢地話去九龍灣食，我在旺角睇戲，所以最後都係在朗豪坊買咗！今次又係傾到雞啄唔斷，走嘅時候在地鐵站磨多一陣先至走！