又 香港美酒佳餚巡禮 Hong Kong Wine & dine festival 2017

尋日去完美酒佳餚巡禮，今日又再去，今日要返工，所以夜晚去，今日同另外兩個朋友去，我地各自入場，在𥚃面會合！

我同好友都好肚餓，先去搵食，去左食卡邦尼意粉，呢個意粉係將煮好的意粉放在一大個芝士上撈，沾滿芝士之後才上碟，好好味，另外又買左鵝肝同羊排，都好好味！跟住去尊尚品酒區，試左一款紅酒，同一款冰酒，款冰酒幾好飲，不過價錢太貴，所以試過就算！

出返去揾食，我地食左墨魚咀、焗大菇、德國腸，牛柳粒，又試食阿一鮑魚的豆鼓醬，幾好味，不過唔記得買，跟住去美國區食 bagel，然後在舞台等睇表演，今晚有 Rubber band ，雖然唔熟佢地D歌，不過氣氛很好，好 high，我地聽完歌就走！

走的時候坐天星小輪過海，吹吹海風，好舒服！

香港美酒佳餚巡禮 Hong Kong Wine & dine festival 2017

又到一年一度的美酒佳餚巡禮，已經第六年參加呢個活動，今日相約好友一同前往，我哋由金鐘呢邊入場，呢邊主要係日本酒、威士忌同埋手工啤酒嘅專區，入去見到築地．山貴水產有個booth ，我哋買咗一份燒鰻魚同埋買咗杯十四代，鰻魚同埋清酒唔係想像中咁好，跟住見到一間食日本野，好似唔錯，買咗一份油金魚配帶子，呢度有位坐，我哋坐低食，呢個時候就撞見朋友，有D朋友經常在Facebook見，但係好少見面，偏偏就係偶然相遇，見到面都真係好開心！跟住又見到富士水產，呢間每年都幫襯，今次買咗帶子同埋蜜瓜，蜜瓜冇舊年果D咁甜，可能唔係好熟，所以甜度唔係好夠！帶子味道就唔錯！

食咗少少野，就去飲下酒，我地先去咗尊尚品酒區，主要因為今日好曬同埋好熱，而尊尚品酒區係有冷氣的，之前入過去一次，覺得果D貴價紅酒，自己唔識品嘗，而佢要用嘅token 比較多，所以唔係咁值得去，今次因好友未去過，而我地又有尊尚品酒証，所以入去行下，我地只係試咗一款酒，同埋攞咗份免費芝士，在裡邊涼住冷氣食同飲！

我地涼完冷氣之後又出去行下，一路買下嘢食，一路試下酒，又去舞台果邊聽歌坐下，就係咁樣玩到天黑，入夜之後越來越多人，我地D token 好似用極都用唔完，因為每次我地區用一、兩個token 買一杯酒分3份飲，所以好襟用！最後因為太多人，所以我哋匆匆忙忙用咗D token 就算喇！

莆田

上個月先去過呢間食飯，今次就係我的生日飯，約咗好友先在諾士佛臺飲杯野，因為其中一個要晏D先到，不過我坐多一陣，佢就話到咗，所以我哋即刻飲埋，走過去join 佢，我哋叫咗一個四人餐，再加左個豬腸，套餐有冰鎮苦瓜、鮑魚、一人一條黃花魚、有個湯、仲有豬手同埋米線，我哋覺得個湯都幾好飲，不過飲到最後發現竟然有隻細曱甴在湯內！！！因為已經飲到最後，所以換都冇意思，而且應該都係同一煲湯！店員話另外送個甜品俾我哋，我地叫咗個類似年糕的甜品，都食得好飽！最後當然係生日蛋糕啦！好感激呢幾個朋友，雖然唔係成日見面，但係佢哋好有心，而且我地每次都可以傾好耐，呢D就係真正好朋友！

明記潮館

約咗好友去旺角食飯，試吓呢間新野，主要係食潮州野，店內裝修有D懷舊 feel！晚飯時間都好爆場，呢個群組嘅朋友都好耐冇出嚟食飯，而且多數都唔齊人，今日都算係比較齊人嘅一次，我地叫咗滷水拼盤、鵝片、蠔餅、大眼雞、椒鹽鮮魷、牛柳粒、蠔仔粥，食物質素都唔係太理想，都係附近果間新泉發，同埋大圍果間生昌好味D！