羲和雅苑

之前見海運大廈多咗一D食肆，今日就去試一試！

今日天氣好好，原本都好想去放飛機（航拍），不過唔係好夠時間，可惜尖沙咀係禁飛區，如果唔係就會帶埋出去放，影下博海都好！

幾間食肆，揀咗呢間食烤鴨的，過咗午膳時間，剩返幾枱客，一坐低店員就問食唔食烤鴨，因為剛剛有另一台叫咗半隻，佢地即叫即燒，要等45分鐘，佢話如果我地要埋果半隻就唔使等，如果唔係要再等師傅重新燒過？唔知佢意思係咪唔會比凍左的鴨奉客，所以要求重新燒過？anyway 呢度既然係主打食燒鴨，咁當然要試一試啦！就order左半隻，我哋要睇咗隻鴨有幾大，先決定叫其他嘢食，隻鴨未到之前，店員擺咗一個黑色座，會發熱有煙出的，應該用來熱住D鴨肉，另外攞咗一個圓形轉盤，上面有八個小碟，同一個蒸籠仔，蒸籠仔當然係裝薄餅， 八個小碟入面有京蔥條、青瓜條、洋蔥條、山楂條、藍莓醬、芥茉醬、甜麵醬，仲有跳跳糖（爆炸糖），呢度既食法有別於一般片皮鴨，佢地分開三個部位食，第一係鴨皮，店員話蘸藍莓醬同跳跳糖食，個人唔係太喜歡個藍莓醬，覺得係人造味道，加上跳跳糖，雖然好玩又特別，但係覺得有D怪怪地！第二係食鴨胸，店員話蘸芥茉醬食，味道都可以，因為芥茉醬有少少似芝麻醬，通吼鴨都幾夾，而第三就係食鴨腿，用返傳統方法食，即係加京蔥同青瓜條，蘸甜面醬用薄餅包住食，又可以用洋蔥條和山楂條代替京蔥同青瓜，味道都唔錯，烤鴨D皮好薄，亦都唔太肥，鴨腿的肉也很juicy，半隻鴨的份量比預期少，薄餅又唔係好夠熱，有點美中不足！

四院呀，加左個佛跳牆、譏燒鮑魚同埋炒四季豆，個佛跳牆竟然好似碗仔翅！味道一般！譏燒鮑魚就整得唔錯，四季豆就一般，整體來說，一D較貴的食品就唔錯，其他就一般！