Ciao Chow

晏晝去完high tea，夜晚又去又一城食嘢，呢間餐廳開咗唔係好耐，睇個名就知道係食意大利菜啦，不過佢係比較平價的，主要係食意粉同薄餅，我地叫咗一客意粉，係羅勒醬雞肉意粉，另外叫咗個風乾火腿火箭菜薄餅，呢度仲可以自選材料的薄餅，不過唔想諗喇，所以叫現成的薄餅，另外叫左個沙律，選好食物先去付款，然後會有人攞俾你，先來沙律，呢度沙律係用橄欖油同埋黑醋，平時自己食開的黑醋，都係在意大利買的，質素好好多，呢度D菜又唔係咁靚黑醋又好普通，意粉味道唔錯，份量唔太多，都好夠食，薄餅就好一般，就真係好似在意大利食的薄餅一樣，唔係好多餡料，就只有火腿同菜同埋茄醬，好簡單，整體覺得食物一般啦，始終價錢唔貴，都唔可以要求咁高！