iCremeria、Bistro Bloom 、Disney

今日約了好友去廸士尼，中午出來食飯，去左朗豪坊，去 icremeria cafe，我叫了 set lunch 坐低，好友便到到了，只是她去order 時，就話冇晒lunch ！我地 share 左一份 lunch，但係份量太少，我地去第二間食過！

上左去13樓，呢度水靜河飛，我地揀左間叫 Bistro Bloom 的餐廳，叫了天使麵和漢堡包，味道唔錯，我地傾六月旅行的 plan，之前話去大阪，後來又話想去北海道，傾傾下又想去立山黑部........最後忽然話去歐洲！我地又上網 search 資料，又上旅行社攞資料！

攪左一輪，先匆匆忙忙入去廸士尼！入到去已經黃昏，今日超多人！我地直接去玩 Iron man，都唔算多人玩，玩完出來已經做緊夜間巡遊，睇完去 shop行一陣就走，因為太多人了，趁佢放煙花即閃！