春嬌救志明

睇完展覽約咗好友去睇戲，星期六就比較難買飛，買即場又好難買到三個相連座位，最後去咗我唔鍾意去的又一城的MCL ，因為覺得佢地服務態度好差，今次去見到有改善，可能換咗人，態度好咗好多，今次睇呢套戲第一第二集都有睇過，本來都諗住睇，咁啱好友都想睇，所以約埋一齊去睇！

上集講到春嬌同志明再走埋一齊，今次講到春嬌同志明一起同居了一段時間，開始想到結婚問題，又想到責任問題，中間也出現了些誤會，又回到分手的邊沿...........!

呢系列電影好睇之處，就係講兩人的男女關係講得好寫實，令唔少情侶好有共鳴！

羅浮宮的創想

三年前去過法國，很喜歡那𥚃的浪漫情懷，巴黎鐵塔和羅浮宮都令人念念不忘，很希望有機會去自由行，可惜那處的治安不太好， 加上十多小時的飛行時間，都不易成事！見到香港文化博物館做「羅浮宮的創想——從皇宮到博物館的八百年」展覽，趁今日放假一於去睇下！

第一次去香港文化博物館，在車公廟站行過去，火車站一出來，就望見博物館，沿路有指示，經過城門河，沿着單車路行，好快就去到，近入口有個李小龍銅像，在正門入去售票處買飛，今日雖然係星期六唔算多人，都係10多人排隊，在售票處對面的樓梯，有個屏幕播放羅浮宮展覽的簡介，買完飛上一層，就係入口處，呢度寫明不可拍照，可惜唔可以影抵D展品，一入場就係介紹羅浮宮嘅歷史同埋變遷，牆上亦有些羅浮宮的平面模型，睇到羅浮宮點樣由一個圍牆變成今日的樣貌，又有一些古董碎片，展品區入口，掛了兩幅很大的地氈畫，非常漂亮，有護衛專門看守，只可遠觀不可捉摸，場館的燈光比較暗睇得唔係太清楚，另外仲有一些銅像，其中一個較大的雕像是 Pierre Julien ，手工非常精緻，過左呢個雕像，出返去展區，有部LED播映着夢羅麗莎的肖像，背景加上了香港嘅景點，感覺反而破壞了原本的氣氛！旁邊有一個小小的播映室，用動畫講解三件關於羅浮宮的歷史，例如蒙羅麗莎的微笑畫像，曾經在羅浮宮𥚃被偷走，後來在意大利尋回的故事，又有維納斯女神被發現的經過，故事簡單易明，小朋友都好有興趣睇！過咗呢個範圍，仲有另一個展覽廳，地方較細，中間有張圓形地氈， 叫做拿破崙徽號地氈，背景用上大幅的拿破崙的畫像貼紙，好漂亮！

雖然今次有百多件展品，仍然覺得唔夠喉！如果在羅浮宮，相信一天也無法睇晒所有展品！希望將來有機會在法國可以慢慢欣賞𥚃面的展品！

Master Kama

店子是樓上店，主打龍蝦，今日午餐時間，人客不多，叫了漢堡包和湯烏冬，另外加了一客白汁青口，原本叫一客大的，但店員說只有小的，幸好只有小的，因為青口細隻又有點腥！

漢堡包不是我喜歡那種有芝麻的包，不過都ok! 烏冬沒有試，不知道味道如何，吃過午餐，想食甜品，見到店內的宣傳單張，介紹左幾款抹茶甜品，見到都幾吸引，所以叫了兩款食，有抹茶雪糕、水滴餅、還有一個像糯米糍的忘記了叫做乜野，味道唔錯！吃得很飽呢！

糖心蛋 （味玉）

之前好友送了些有機雞蛋給我，試下整糖心蛋，參考左網上幾個食譜，我先做個汁，個汁主要係用味醂、豉油同埋水，有幾個唔同比例做法，我用左1:1:3，一份豉油、一份味醂同三份水，煮滾後攤凍待用，雞蛋用水煮5分鐘後即浸冰水，去殻後放入汁內浸一晚，糖心效果都 ok ，可以再短D時間，個汁就太咸，可以落少D豉油！

原本想試整温泉蛋，因為冇時間又驚D蛋到期，下次先買雞蛋返來試！

La Villa & Amuse

午餐食完炸雞同甜品，夜晚約左好友出尖東食飯！

去左尖沙咀中心，餐廳有室內室外，原本想坐室內，但係有 live band 好嘈！今日天氣都唔熱，坐室外都 ok，好友來過，話想試 cheese and cold cut platter，個侍應話個 platter 成meter 長！睇清楚個名係 cheese and cold cut meter platter！店員話食完唔使食其他野，所以改左叫個芝士拼盤、水牛芝士沙律，另外叫了好友之前試過的慢燒牛扒，店員推介斧頭扒，又叫個試下，店員見我地食芝士，推介我地飲紅酒，雖然我地都有飲紅酒，不過好多餐廳D紅酒都麻麻地，所以都唔敢博！飲杯 cocktail 算喇！

食完飯再去飲野，行過去柯士甸路，去清吧飲杯野，第一次來，以前在這條街的salon剪髪，亦去過附近的餐廳食飯，這清吧門口有隻大 bear bear 熊，又有個爆谷機，即做爆谷比我地食，我地每人叫左杯 cocktail ，飲品麻麻地，不過成晚傾計大笑，好開心，唔願走，但係翌日要返工，一齊坐 Uber走，聽司機講原來可以揀兩個地點！等我地次次都揀一個地點，下次試下先！

ZUC.CCH.ERO

食完炸雞去食甜品，同一座大廈另外一層，店內只有4個客，有 Bar 枱同普通四人枱，店內的燈都像雲一樣，店員全女班，餐牌選擇唔多，款款造型都好靚，我地揀左一款叫做 Break the tear ，另一款叫做 Para para Sakura ！

先來 Break the tear 藍色水滴型外殻，是用糖吹出來的，先敲碎佢先食到，裡面仲有野食，打開外殻時有煙出，有一陣煙燻氣味，個殻唔算好甜，𥚃面有一朶花，同一D碎碎的，老實說食唔出係乜，有D似meringue ，但係冇乜味，講語上好味！而 Para para Sakura 好明顯棵樹係棉花糖，樹幹係朱古力，旁邊果一堆有榛子朱古力醬，紅色果D應該係紅菜頭做的啫喱，你個味道唔錯，係個朱古力樹幹比較硬！我哋叫咗兩杯飲品，我果杯花茶個茶隔係珍寶珠型，而檸檬茶的糖水和檸檬汁，就用 test tube 型的樽載，都得意！

Sodam Chicken

熱左幾日，今日開始落雨，冇阻我去銅鑼灣食嘢野先！

去左耀華街食韓國炸雞，呢坐大廈成座都係食肆，餐廳地方唔係好大，人客亦都好少，呢度有電視不斷播放K pop的 MTV，見到D人客都係比較年輕，而且女仔佔多數！我哋叫咗甜酸炸雞、魷魚仔炒年糕，又帶咗兩杯飲品，先來炒年糕，味道比較辣，都可以接受，炸雞份量都唔少，有埋手套比你，食起上嚟都方便D，味道還可以不過雞肉唔夠juicy，比較乾身！至於飲品就唔OK喇，我果杯菊花特飲，好藥水味，溶左D冰溝淡左先至易入口D！

High Street grill & 糖痴豆

又到四月之星生日晚餐，今日三缺一，缺席的好友因為媽媽病了，所以要到醫院照顧媽媽不能出席，希望她的媽媽早日康復！今次去壽星女屋企附近食飯，去咗西營盤高街，第一次去呢度，成條街都幾多餐廳，好友因為住附近，所以都熟悉呢度，佢話食過好多次，覺得呢間OK ，所以大家一齊試下！

去食飯之前，諗住去地鐵站買蛋糕，點知西營盤站係冇餅店，出咗去街外面又搵唔到有餅店，在高街亦沒有餅店，唯有去餐廳睇吓有冇，去到餐廳好友話唔使買蛋糕，話食完飯之後去食甜品當食下蛋糕！

我哋叫咗一客牛扒配薯條、薄餅、凱撒沙律同埋青口，凱撒沙律有一大塊煙肉，我唔喜歡吃煙肉，所以好友分左佢，青口都幾大隻，味道唔錯，薄餅個皮好脆，芝士可以拉得好長！好味！牛扒都Ok，整體食物都Ok！埋單時用 Citibank 送紅酒！其實應該一早問，可以食飯時飲，好彩可以成樽攞走！

食完飯行上去般咸道食甜品，去左間甜品小店，食個傳統甜品，我叫左腐竹雞蛋糖水，好友叫咗楊枝甘露，同埋一個雜豆甜品，食完甜品，行去西營盤站搭地鐵，原來有般咸道果個C出口去高街，近過由B2出口去，下次可以由C出口落去，唔使上斜路！