又到左一年一度既花卉展，今年由3月20號至29號，可惜由星期五開始！要等到今日先有時間去！
一如以往，先去 Sogo 食D野，每次都去 Café Royce ，但係今年冇左呢間餐廳！印象中搬左去 somewhere ！但唔記得左搬左去邊！改為去十一樓果間餐廳，呢度只有三文治早餐，因未到lunch time 冇其他野食，唯有食煙三文魚三文治！當然唔少得一杯 Blue mountain ！
食完野速速起行，今天時間緊迫！照舊用八達通入場，今天陽光普照，有點熱！今年的主題是春、花、舞，而主題花是跳舞蘭，所以一進場就見跳舞蘭！而近住入口用花堆砌的擺設，都以公仔身穿花做的裙做裝飾，很漂亮，我在入口影了一陣相，便急不及待去影每年的焦點-鬱金香！頗失望的是很多開始凋謝，而新加的又未開！所以每年都會第一天去，花未謝，可惜今年要遲左去！去年有人表演跳舞的印尼館，今年遜色得多，其他展館跟去年大同小異，很多花有開始凋謝的情況呢，因為約了人去 high tea，所以只影了兩小時便要走了！
沒有留言:
發佈留言