在酒店吃過早餐就出發，第一站去凡爾賽宮，今日天氣好好，去到有太陽添！首先要在門外排隊，人龍非常之長，唯一可以做就係影相，皇宮外面都有點金碧輝煌，排了大約大半個小時，就可以入場了，領隊說這是瑪麗皇后曾經居住的皇宮，這裏看來沒有羅浮宮那麼大，但高高的樓底，仍然有很多話和雕像，沿路參觀有很多遊客，亦有不少導遊再講解，領隊沒有講解，就聽其他團的導遊講解吧！看過了瑪麗皇后的畫像，還有她的房間，充滿刺繡的床舖，很漂亮！這𥚃有一個玻璃大廳，吊了多支水晶燈，當年來說，要做這麼多玻璃是很不容易的事，再行過去有長長的畫廊，那些畫都是很大幅的，根本不夠時間逐一細看，行到差不多到盡頭，見到一個 Angelina 朱古力店的指示牌，這正是我要找的！竟然在這𥚃有店！買了朱古力粉做手信，還買了榛子朱古力，好開心！
在凡爾賽宮逗留了兩小時便離開了，先去食個午餐，今餐仍然是中國菜，食物都 ok的，食完飯，在附近行一陣等埋其他圑友，唔行得遠，附近有露天茶座，見到有 Mcdonald，有自助售賣機，亦有賣馬卡龍，返去等齊人又出發，成團人一齊行返去旅遊巴，沿路又停低影下相，下一站去蒙馬特的聖心堂，這𥚃是個小山丘，有好多旅遊巴，好擠塞，領隊叫我地早D落車，行過去，呢個景點係自由活動，可以沿路上斜路同樓梯，去到頂就係聖心堂，呢度好多小店在路兩旁，有好多小食同紀念品賣，我都買左個雪糕球食，沿住斜路上到聖心堂下面，有一大片草地，好多人坐在草地上好悠閑，草地兩旁是樓梯，好多小販，見到領隊所講的綁手檔，他們多是黑人，兩人一組尋找目標遊客，領隊說他們會將一條彩色織繩，綁到你手上，然後要你比五元歐羅，即五十港元？我見到佢地都避開，他們都不會迫近你，我見有D人中招，無奈比錢，見有個男人不肯比錢，要求對方拆返，但對方扮聽不明，我要打醒精神留意有冇壞人，沒有時間看到最後，不知最後會怎樣？
這地方環境不錯，亦有一些認真的表演者，見到有幾個黑人在唱歌，售賣自己的 CD，也有荷蘭女子穿一身傳統服裝，拿着手風琴等客付款表演，在聖心堂望返落去，都睇到D遠景，沒有高樓大廈，又有D風，幾舒服！時間差不多就去返集合點，經過一間朱古力店，入去望下，有一座朱古力做的教堂，很漂亮，見門口有小食賣，買返杯試下，買完見到團友，話我地遲喇，同團友急急腳走，仲要一路行一路食，因為巴士上唔可以食野！去到旅遊巴剛剛好，沒有遲，仲有團友未返，不過好快到齊！
跟住去凱旋門喇！！！去到凱旋門附近的麥當勞，領隊話麥當勞先至有廁所，然後略為講解集合地點，亦都係自由活動時間，在領隊講解的時候，見到有幾個吉卜賽女子，企圖向領隊落手，領隊她們的做法是先由一人拿著 broad 板向人索取簽名，類似支持某些活動，當你簽名的時候，其他同黨就會落手偷野，我地咁多人望住領隊，佢地都想落手，都幾猖狂！自由活動的時候，我和團友的一對母女，一同在凱旋門影相，凱旋門正在有維修工程，有部份被圍住了，其實凱旋門在一塊圓形的地上，圍繞着它的是多條馬路，有著名的香榭麗舍大道，影左一陣，我發現凱旋門對面，香榭麗舍大道兩條行車線的燈位中間，有個位置俾人影相，在那個位置影相就剛好影到凱旋門的正面，我地就一齊過去影相，在香榭麗舍大道，名店 LV大排長龍，仲有 Orange shop，有些人扮成法老皇同人影相，當然要比錢了！在環繞凱旋門的馬路上，真係想圍著凱旋門走一圈，可惜唔夠時間！
去完凱旋門，到另一重要景點埃菲爾鐵塔喇！！！！我哋唔係去鐵塔下，而係想去附近一個影相位，離遠拍攝成座塔，呢度好多團，又見到有D人靜坐示威，又放了些假人扮成屍體，不知道在抗議什麼，他們的衣着類似伊朗或以色列那種，我在想，睇情況連法輪功都可以在這裏示威，話口未完真係有法輪功在打坐！我地去旁邊影相，從這裡望去巴黎鐵塔的下面，有好幾片草地，亦有好多人影相，當然還可以想去鐵塔啦！不能夠想鐵塔實在有點可惜，如果參加旅行團去巴黎鐵塔，真係要問清楚上唔上去！影完相落返去協和廣場！
旅遊巴駛過一個隧道口，領隊說這個隧道就是戴安娜皇妃出車禍的現場，隧道口上面有一個金色的裝飾，好容易認！未去協和廣場之前，先停一停軍事博物館門外，在草地上影相，影完先去協和廣場，在協和廣場有好多特別的車停在路邊，有些是出租的，當中不乏名車，當然我只會係影相，即使在馬路駛過既車有D都係古董車，好靚！
話咁快又到晚餐時間，今餐係要自費食海鮮餐，成團人只有兩個沒有參與，佢地自行去搵食，我因為一個人都跟大隊啦！大家對呢餐都係好期待，因為收費都唔算平，來到餐廳的時候只有我們一團人，我地坐餐廳的樓上，分咗幾張長枱，大家打對面坐，先來了海鮮盤，有麵包蟹、生蠔、蝦，頭盤有鵝肝醬一片和少少沙律菜，有法式麵包，有紅酒，主菜有牛扒或者魚選擇，我選了牛扒，老實說除了生蠔和蝦是OK的，其他真係麻麻地，尤其那個麵包蟹，食飯的時候，同我一枱的團友，都是澳門來的，有五六個是朋友，另外有一個女仔，也是自己一個人來，她同樣來自澳門，聽他們說，他們都是做飲食和零售的，澳門那邊多了很多國內遊客，他們都賺多了錢，跟香港人一樣喜歡去旅行，又講起澳門收的團費和香港的團費其實一樣，團友們都對今餐唔太滿意，可能大家期望太高了，諗住食法國海鮮大餐，比起在香港食，普通的海鮮餐比這個還好！
食完飯下一個行程，就係坐船遊塞納河，在碼頭等上船都等了一陣，在船上可以影到巴黎鐵塔的旁邊，這裏有一個旋轉木馬，其實在法國，周圍都有旋轉木馬，都幾浪漫，隻船沿路經過鎖橋，其實呢度有幾條鎖橋，領隊話之前果條因為太多鎖， 條橋負荷唔到，所以要剪走D鎖，一場來到唔可以想去橋度，真係有D可惜！不過當經過的橋的時候，橋上面的人都會向你揮手say hi ，好攪笑！
落船之後，就去上蒙柏納斯大廈，呢度唯一有高樓大廈的地方，最高的一座就是這座56層高的蒙柏納斯大廈，上到去睇巴黎夜景，雖然已經9點幾，但天色仍然未黑！在頂樓有香檳售賣，也有紀念品，沒有消費，早點到樓下影下相！見樓下只有兩家小食店，影完相就走，要返酒店休息了！
沒有留言:
發佈留言