千江雪

去到厚福街的 H8，又揀唔到食乜，每次都揀唔到而改去其他地方食，今次揀左呢間千江雪，之前想試果陣，佢係做中菜之類，因為個裝修有兵馬俑裝飾，但係今日見佢已經變左日式放題！可能做唔住要轉型，或者已經易左手，撘電梯上到要排隊，途經一層係日式餐廳，幾熱鬧，仲有日本人去，應該係比較旺既一間，下次或者可以試吓，上到去，見全場約坐了一半位，點食物的紙像一般放題的食店一樣，分幾個類別，有前菜，剌身，壽司，手卷，炸物，串燒，拉麵，料理(鍋物)，每樣叫小小試下，剌身的選擇不算多，是大路的三文魚，油甘魚，劍魚等，切得略為薄身，可以多叫幾轉，剌身質素一般，燒物就麻麻地，味道略淡，而且是凍的，清酒煮蜆味道都OK，只是頗細隻，整體來說，食物都是一般，相信要經營下去，會很不容易吧！