潮滙軒

跟舊同事相約食飯，原本約左去圓方，因為 Anne 要返屋企放狗再出來，所以改去旺角，在旺角 join 左 Flora 同阿健，在朗豪坊行了一圈，也想不到吃甚麼，一路傾傾吓，我講起之前見到雜誌介紹一間潮洲菜館，大家就决定轉去福榮街！去到褔榮街既聯邦廣場地下就見，呢日唔算太多人，也不用等位，店唔算大，一眼睇晒無柱位，有些卡位在旁邊，中間都係十張枱左右，但係好嘈，嘈到你只可以聽隔鄰個人講乜，一場來到，都照食啦，先 order 左今次目標食物，生奄螄蚶，已經好多年無食過，應該話無地方有得食，以前很喜歡去佐敦間上海舖食，後來無供應，就一直無食過，今次都係見到呢度有先來試，這處做法是將螄蚶放碟內，再加入醬油，這醬油帶有辣椒，吃時螄蚶都沾滿醬油，我覺得太咸，印象中上海店是點醋的，雖然這個咸了一點，仍吃得出鮮味。在差不多吃完螄蚶時，Anne 才到來，隨即 order 其他食物，有鹵水鵝肝、蠔餅、炒鵝腸、四季豆、還叫了一窩海鮮粥，但來錯了胡椒豬肚咸菜湯！那碟鵝腸的 size 頗大，不是份量大，而是鵝腸很粗身，比平時叫的大了一倍？整體食物味道和用料不差，但環境太嘈吵，在差不多走了一半人才靜一點，可以好好傾計，傾到只剩我們一枱客才走，傾到去埋車站都未傾完，今次聚會大家都很愉快，唯有下次再約吧！