28-7-2010
第一天出發時出了意外，我竟然忘記帶passport !!!!!!!!!!!!去到櫃檯才想起！幸好家人未泊好車，立即車我回家取！起飛時間11:10am,我 9:10回去，雖然有兩小時時間，但10:40前要回到櫃檯取boarding pass ! 相當趕，幸好剛剛趕及10:35取 boarding pass, 然後要由Terminal 2 去T1 的gate 67 上機，要過關，要坐兩轉車才去，緊緊在11:10上飛機！實在有驚冇險！原先諗住大把時間食早餐，結果心急如焚！今次乘坐Jetstar 捷星航空，這是間平價航空公司，不用比燃油附加費，不包食物和飲品，亦沒有任何娛樂，不過旅行社幫我地訂左個餐盒和一杯汽水，那盒海南雞飯好難食，但係太肚餓，都食晒同飲晒！成四小時飛行時間，雖然可以另外比錢order 其他食物，不過我諗質素應該唔好得幾多！如果唔係個團定左，實會轉CX，可能旅行社計過數，如果個團再加多$800會無人去，事關成六千大元去四日新加坡已經好貴，要成七千蚊，邊有人去？令次個團坐平飛機，住貴酒店，食得唔係咁好！
第一日去到新加坡，已經三點，同香港無時差，落機即刻去聖淘沙島，好近，新加坡比香港更細！去邊都好快，旅遊區一般唔多過三十分鐘！聖淘沙因為環球影城而開了幾間酒店，幾個地方係相連，可以步行前往，我地住既係Festive hotel 節慶酒店，鄰近既Hard rock hotel 有人做沙灘，好熱帶feel，導遊話幫我地 upgrade 左大房，一間房有一張大雙人床，一張轆架床，一張梳化床！每間房都有露台，我諗呢類房唔多啱兩個朋友去住，無乜人會同朋友孖舖！比較啱一家大細或者情侶多d！我地放低行李，休息一陣就坐車食5:30既晚飯，第一餐食娘惹餐，其實好似中餐，只係用耶漿飯，同多用左咖喱，無乜特別，不過大家都好肚餓，幾乎食晒所有野，食完飯又返去Sentosa既單軌車站自由活動，果度有個商場，十足十香港d商場，連d shop都一樣，好似有Giodano, Best, Watsons, 美真香，大食代等等，價錢比香港貴小小！不過大食代多野食過香港好多好多！不過食完飯都食唔落，如果唔係好多野都想試！其他野真係買唔落手！
沒有留言:
發佈留言