上次去尖沙咀剪髮時，見到The One已經拆左板，亦有食肆開左，但係自己一個就無去試，前兩日，出去尖沙咀食飯，就去睇吓有乜選擇，一入去，冷氣勁凍，好多舖都未開，應該話除左食肆無舖係開左，上兩層，就有幾部升降機去食肆果幾層，睇水牌好似好多好既選擇，不過好多都寫住"即將開幕"，即係未開！上到四樓見有小籠包，泰菜，越菜，日本菜，coffee shop等，睇睇吓都係揀左金寶，即係九龍城果間既分店，因為大家都想食生蝦剌生，間舖分開兩邊，人客唔多，我地坐窗邊，望住對面樓d人開會，咁高我就驚驚地。
我地叫左生蝦剌生，冬蔭公，海南雞，炒菜同生牛河，d草蝦唔太大隻，不過都好好味，冬蔭公保持水準，d雞就差左d，中間好似熟唔透，菜亦炒得老左，覺得無九龍城果間咁好食，可能仲新，師傅又唔同啦！
沒有留言:
發佈留言