西鐵燒烤場

尋日入左元朗,一早約定去BBQ,去到元朗大馬路就開始落大雨,我地去左明星飲茶,飲飲吓又出太陽,我地諗緊BBQ定打邊爐,其實大家都想BBQ,最後查詢左燒烤場"有瓦遮頭"就決定去BBQ,我地飲完茶,去左街市買海鮮,好耐無去街市,見好多少見既海產,見到d好大條既白鱔,都係$40,我地買左一條,又買左斤幾既蝦,都幾大隻,又見到有d成隻CD咁大既帶子,大得有點唔正常既感覺,我地又買左d蜆,蕃薯,然後去左Suki屋企坐,佢間屋都好大,九佰呎兩個人住,有兩間書房同厠所,一人一間,佢話間屋太大感覺好疏離,不過呢度環境唔錯,佢果兩隻倉鼠仍然好活躍咁搬左過來.

到左夜晚,我地出發去燒烤場,雖然有得遮,但係周圍都好濕漉漉,收費每位$80,食物任食,包一支水一罐汽水,可以帶野食去,見果度d炭爐放在露天地方任由雨水淋濕,不過燒起上來都無乜問題,我地買去d海鮮都好好味,d鱔又大舊又好味,而燒烤場d野食就普普通通,我地一路食一路傾,已經約定下次出來,希望今次Daisy大小姐可以請到假啦!我就提議遲d一齊出門去旅行,不過要夾到一齊請假都好難,我地傾到11點幾先走,我剛剛好坐到尾班車走.

Cafe Zamber

上次去尖沙咀果間City super行超市,好多時都見到有咖啡豆賣,我都沒有太留意,因為唔會買返屋企冲,上次先發現原來那處不只有咖啡豆賣,還可以坐下來喝,記得上次Suzuki 那杯不太好的咖啡,姊姊說她喝的是Blue mountain, 大家都知道Blue Mountain是較好和貴的,所以她比我更"失望", 我見這個小小的corner 位,只有三張好迫的高櫈,餐牌上第一行便是Blue Mountain,立即吸引了我的興趣, 我在考慮應否試試,那個女店員向着我微笑,問我想要甚麽,我告訴她想要一杯Blue Mountain, 她問我:"想要......定.....???" ???我像大鄉里聽不明,原來她問我想用那種冲調方法,有espresso 或plunger,我選了未試過的plunger, :p 我坐下來等她冲調,那處地方很小,都清楚見到每個step,她冲好後,放在桌上,叫我先等幾分鐘才好倒出來,杯子則用熱水暖住,幾分鐘後,她替我倒去杯內的水,再將plunger內的咖啡倒出來,叫我先不要加糖和奶試一試味,第一口好甘好香濃,我平時飲咖啡都落好多奶,飲齋啡就感覺更濃,一個plunger可充到2杯咖啡,店員不時對我微笑問我味道如何,還閒聊一些咖啡的分別,在那處坐着喝咖啡,沒有雜誌,沒有大梳化,沒有Starbucks 或Pacific coffee 的環境,卻飲得非常寫意,之後那股咖啡香,在口內久久不散,下次要跟姊姊去試Luwak!!!

Slumdog Millionaire 一百萬零一夜

這部在奧斯卡得到最佳電影等8項獎項的電影,未得獎前已經想睇,雖然導演Dabby Boyle之前拍的戲我沒有睇過,但係呢套戲既題才都幾吸引我,睇完都覺得好睇,戲入面既小演員都係做返自己,在環境惡劣的貧民窟生活,看見他們的環境,便知道甚麽是真正的貧窮,(老套d講句,香港的小童很幸福了!)男主角在電視節目裏,答對了多條問題,都因為自身的坎坷童年,到剩下一條問題時卻因被屈出術而被捕................我覺得成套戲都好緊湊,沒有冷場,都幾緊張,結局留待大家入場睇吧!結尾那場歌舞有點攪笑,唔係跳得攪笑,而係唔知點解要有呢場舞?

New York Fries

今日去左試呢間New York Fries,最近好多雜誌都介紹呢間同旺角果間愛爾蘭瘋薯,兩者都有點相似,但係旺角果間太多人,經常擠滿人,以前旁邊間章魚小丸子好多人,依家就愛爾蘭瘋薯超多人,成條登打士街都是好多人排隊的食店,相當擠迫,所以我還是去尖沙咀,hit左一排,依家應該無咁多人.

去到海港城,一如以往,好多國內旅客,不過食店都不太多人,去到NYF,沒有人排隊,這店前身是仙跡岩,只有大約10個位,和圍着店內柱位的幾個企位,不過海港城做左一d露天坐位,可以由店內推門出去,亦可從商場入去,我無出去坐,因為超曬,又無得遮,今日仲咁熱tim,店內的坐位都被一大班國內人坐了,想無咁熱唯有企位,我見menu只有三款配料,同埋熱狗賣,飲品除汽水外就是樽裝飲品,仲係健康工房同烏龍茶呢類既飲品我叫了一客The Works, 有酸忌廉,煙肉碎,辣豆,regular size加汽水$44,雖然是炸薯條,但吃不到"炸"的感覺,沒有乾和脆的味道.而是薯條較腍,就像切條的焗薯一樣,比較啱我口味,而且我喜歡帶皮的薯條!如果行街想take個break唔想太飽,呢度都幾適合!

仁民飯店

前兩天是姨甥仔的生日,我已忘記了姨甥仔女他們的生日日期了,他的生日派對安排了在西環的仁民飯店,在party 前一天我們去了吃buffet,這小酒店前身是Novotel, 大概是易手吧!裝修了,改了個很大陸feel的名字,裝修很新淨,亦算trendy,只是地方很細,如果居住在附近想找個舒適點的地方吃飯,或來個tea/ happy hour,這裏還算方便.

我地八點幾先去,都算近尾聲,店員告知沒有生蠔和三文魚了,海鮮buffet只剩蝦,蟹,其他都是一般buffet的燒牛肉,中式熱盤,西式冷盤,壽司,即煮粉麵,甜品雪糕等等,那燒牛肉像是全生似的,凍蝦配泰式酸辣汁味道不錯,聽說大廚是來自東南亞,所以那些喇沙,咖哩雞都做得不錯.至於甜品就沒有驚喜.
那晚人客不多,洗手間要落一層不太方便,在上上落落時見到剛到步的團友,都是國內遊客,姊姊說,除了國內遊客還有甚麼人來香港旅遊?國內遊客確是幫助了香港的經濟,只是他們有些的言行仍是令人側目.

Suzuki Cafe

尋日去睇show之前,去左Suzuki 食晏,之前去LCX行街已經想試吓,最終冇去試,尋日終於試左,呢度風格有小小似UCC,當然咖啡是絕對及不上,食物的選擇也不少,我地叫左飯同pizza,個飯跟餐有沙律,湯同麵包,碟沙律超細碟,其它都唔算大碟,個pizza就冇和民果d咁好食,上面既配料都好少,不過我地都食唔晒.我地叫左咖啡,唔係咁好飲,有d似去旅行時酒店buffet早餐d咖啡咁!

Disney on Ice Princess Wishes

期待已久,終於等到今日,去睇Disney on Ice,主題是Princess Wishes,我還是第一次去亞洲博覧館,在收到飛時,同時有一本小冊子,裏面有優惠券之外,有一頁可貼上你的照片和寫上你喜愛的公主,當日以公主打扮和帶這小冊子會有驚喜,姨甥女和同學都打扮成公主,願來在入場前,工作人員會在各小公主中選出打扮最好的四個,在表演中途,可乘"船"進入冰場上,參與"演出",雖然只坐在船內,但能置身表演場中,令她們很羨慕,我地因為遲左入場,無左機會選!!

入場時表演已經開始了,我還是買了一包棉花糖給小朋友吃,那處有很多主題精品賣,散場才去買,我地坐Block D,在VIP box後面,雖然是正面對著舞台,但因為不夠斜度,容易被遮擋,尤其小朋友,一般要站起來看,由於離台太遠,和溜都是較快速,照片拍得不太好,大多都濛濛地.........成個表演分兩段,合共個多小時,太短了,節目內容主要講幾個夢想成真的故事,米奇米妮像個司儀,只在表演中出來講幾句,還有Thinker Bell 在表演中穿插,舞台效果有部份很好,始終是冰上表演,有火,有特技人,有煙火已經是不容易,還能保持廸士尼一貫的水準!!!