尋日睇飲食男女,話Taste做緊日本美食節,雖然佢地經常都做呢類promotion,不過見今次d野食都有d特別,就去睇吓,原先想買雜誌介紹既青蘋果片,不過呢類好似薯片咁既零食,我食得唔多,都係唔買,見到有款 Apple Choucake, 泡芙蛋糕,有盒 sample 响度,好似幾得意,而且泡芙應該唔太差吧!買盒試吓,另外有款Kobe crepe cheese cake, 好似都ok喎,而且cheese 都係"賣飛佛"......見到哈蜜瓜 Steam cake,都可以飽肚d掛?等我試完再同大家分享吓! 另外買左幾個碗麵試吓........我食左"東京"嗰個,味道好普通........原先想買出前一丁日本版,但係$45/5個,貴幾倍,唔會好味幾倍啩??所以無買,行行吓見到d好大隻既東菇,睇吓我隻手指公既比例就知有幾大!!唔知係咪基因改做????
今日無端端三號風球+黑雨,尋日又話唔會改掛三號,呢個"浣熊'真百厭,當堂凍左好多!
沒有留言:
發佈留言