辣湘湘

最近荃灣開左呢間飯店，有D似我地之前在福田食果間炒牛肉店，聽講夜晚好多人等位，而家晏晝就唔多客，餐廳嘅面積唔算好大，個裝修都係以仙綠色為主，同青椒一樣嘅顏色，而佢呢度嘅燈都係青椒造型幾得意😄餐牌都好簡單，主要都係小炒，我叫左個辣椒炒肉，飯係要另外叫，我就叫咗一碗，餐廳入邊有好多飯煲，當然可以叫一煲，大概有四碗🤣 我得一個人所以冇叫，個炒肉有火熱住個鑊仔，好多辣椒，肉嘅份量睇落唔少，其實切到好薄🤣，鑊氣好舊，好送飯，另外叫左杯鴨屎香檸檬茶，大杯同細杯爭$6 ，所以叫咗杯大，但係真係好大杯，我諗如果成班人一齊食幾個餸，就要叫杯大，一個餸就叫杯細就夠😅

 

燒房焗

去維園放完飛機，好友相約食飯，去左灣仔呢間居酒屋，食吓串燒，飲杯嘢，店入面只有兩枱客，我哋叫咗螢光魷魚仔、芥辣八爪魚、陳皮魚蛋、燒牛舌、雞肉串等等，食物質素唔錯，小店經營，店員友善👍🏻 係位置有小小僻😅

 

Calle Ocho

今日去銅鑼灣試吓部Hover，先去食D野，去左呢間西班牙餐廳，之前嚟過一次，但係佢落咗場，食唔到，今次佢又冇落場，我就試吓佢個lunch

呢間餐廳之前係食龍蝦嘅，後來轉左做西班牙菜，間餐廳有兩層，今日餐廳嘅人客唔多，所以樓上冇開，午餐第一道菜揀咗迷你羅馬生菜，同埋辣醬薯仔粒，生菜正正常常但係個汁好鹹又酸！薯仔粒個醬少少辣都幾好食！第二道菜就揀咗傳統西班牙海鮮焗飯，不過海鮮其實只係魷魚墨魚🦑😅 個飯就麻麻哋，我諗住西班牙餐廳，個飯應該唔會差去邊，可能海鮮唔夠豐富，所以食落覺得爭D😆不過呢度D店員都好友善，下次可以試吓其他野食

 

2024-1 香港廸士尼

今年第一去廸士尼，睇吓有乜野新年產品！

自從 Frozen 園區開咗之後，多咗好多遊客，所以去到邊個位都好多人影緊相，我晏晝入去， Frozen 園區都多人，聽講朝早仲多人，要排隊入場 😅 不過園區入面仍然係多人，我都係行咗一陣再出返去！

今日都冇玩機動遊戲，純粹行街睇吓，新年禮盒多左選擇，仲有crossover Godiva 朱古力，我只係買左利是封🧧 今年利是封都多左款式，我揀左好似繪馬型狀嘅Duffy and friends 利是封，好靚！

樂園都有小巡遊，唔係以前咁大型嘅巡遊，夜間巡遊應該冇左，得返煙花🎇😅

 

Monmono

今日出尖沙咀，攞個贈品袋比我部 Hover ，去山林道，見到呢間餐廳，記得之前睇過介紹想去，但係要去食飯嘅時候就諗唔起佢，今日意外見到佢就去幫襯吓，午飯時間竟然只有兩枱客，門口個藍色設計都幾靚，入面仲有半架車做裝飾，都幾英倫🇬🇧feel ，店內有D卡位，價錢都唔算貴，我就叫咗個牛扒🥩午餐，有碗湯同埋叫左個蜆，個蜆麻麻地，有幾隻都冇開，牛扒要五成熟，但佢幾乎全熟 😅

 

瓊芳

今日約咗好友去圓方，因為買咗新玩具而想出去試吓，先喺圓方食少少嘢，知道好友一向食嘢都係要求平靚正，而且圓方食嘢一向都唔平，茶餐廳就啱晒佢！

呢間茶餐廳都算好細，一眼睇晒有幾多座位，而且全部都要搭枱，我哋志在食少少嘢，所以叫咗兩個飯，嗱嗱聲食完就走，食物質素都ok！只係唔係咁好坐！

食完飯我哋出去M+ 果邊嘅草地，因為買咗 Hover X1 小型無人機，呢部機只適合低飛，最高應該係30英尺，同埋預設左右六個mode，我哋試齊晒六個唔同嘅mode，不過佢跟機果兩舊電，每舊最多係用到十分鐘左右，所以好快冇電，不過試完我哋都覺得唔錯，好友要左呢部先，因為佢廿幾號要去日本白川鄉，要帶埋呢部機去拍片！所以佢好開心，拎咗部機返去再試，之後我先再買返一部俾自己！😂

試完機同好友去果欄行咗轉，又係食車厘子嘅時候，我哋買咗一盒車厘子🍒，白粟米🌽、金奇異果🥝、迷你牛油果🥑，今年嘅車厘子多咗一D未見過嘅牌子，當然價錢係平好多！😄

 

金手指 The Goldfinger

 

80年代，程一言發現英國大量購入英泥到香港，他覺得是機遇，便隻身來到香港發展，他認識了曾劍橋，兩人合作創辦了嘉文集團，幾年間就崛起，發展一日千里，後來廉政公署開始調查嘉文集團，揭發好多不為人知嘅內幕⋯⋯！

主要都係想睇梁朝偉，當然佢做咩角色都唔會差，戲入面亦都有好多好戲之人都值得捧場，不過覺得呢個故事可以拍得好D，我覺得可能太過着重講當年有幾飛黃騰達、紙醉金迷，忽略咗D細節位，睇完都唔係好明😅😅