Vida coffee

同好友食完韓國菜，大家都想飲杯咖啡，所以去咗附近呢間coffee shop度飲杯咖啡，順便傾一傾11月嘅行程，呢度都有D糕點可以叫，不過我哋食得好飽，所以淨係飲咖啡！

而家要想辦法氹好友嘅男朋友自駕遊，其實好友都有車牌，不過佢係好多年冇揸車嗰種，而佢男友係日日揸車嗰種，所以好靠佢男友去查全程揸車🤣但佢男友話去旅行唔想揸車，所以而家要氹吓佢，我哋plan左一定要去富士山，都睇緊D溫泉酒店！諗住去一日廸士尼，同去一日Harry Potter 😆😆

 

Sul Jib

今日去 Times 搵好友食 lunch ，去左呢間食韓國菜，記得呢度之前好似係食澳門野，唔知幾時轉左手，我地叫左三款set lunch ，有烤牛肉飯、石頭牛胸飯、燉牛肋骨飯，三款都係跟紫米飯，另外加個海鮮蛋餅，三杯橙汁，D飯唔錯，蛋餅就麻麻！

我地 plan 左11月四條友去旅行，依家初步傾左自駕遊🚙，要去御殿場 outlet 、河口湖、東廸、新果個 Harry Potter 樂園，好期待呀！😄😄😄😄

 

Up a Notch Homemade pasta & pizza 旺角

之前在旺角果間桔梗已經執左，上次已經係一年前去，果陳時剛爆第五波，所以好靜！依家轉左手，呢間主打手工 pasta同 pizza，店內裝修幾靚喎！有一幅牆做左個巨型顯示屏，播緊一D歐洲雪山風景片，好靚，樓梯底有個大型展示櫃，放左好多大大隻的 Bearbrick ，好有睇頭😄

睇吓餐牌，當然係意粉🍝同 pizza 🍕 啦！咁都仲有沙律、前菜、主菜扒類、意大利雲吞、意大利飯、漢堡、甜品等等，選擇都唔少！可能新開冇耐，冇乜人，店員推介午餐餐牌的明太子三文魚忌廉汁自家製手工麵，包埋蘑菇湯，同埋一杯飲品，我叫做P杯特濃咖啡，佢寫明25ml ，所以係好細杯 🤣 意粉個忌廉汁都幾風口，味道唔錯，不過個汁蓋過咗意粉嘅味道，食唔到手工面本來嘅味道，下次可以試吓冇咁濃汁嘅意粉，可以試真D!，蘑菇湯應該係自家製，唔係罐頭湯，味道都唔錯，咖啡好濃，就咁飲齋啡都好香濃👍🏻👍🏻 呢度最近一班朋友嚟食嘢，下次約埋朋友一齊嚟試吓先得！可以叫多幾樣野食😆

鈴芽之旅 Suzume

 Suzume 自小由亞姨照顧，一天，她上學途中遇到一個男仔草大，問她附近有冇廢墟，她指示他前往位置後，便繼續上學，她好奇走去廢墟查看，卻不見草大的蹤影，在廢墟見到一道門，旁邊有一個石像，她拿起了石像，但石像卻變成了一隻活生生的貓，隨即逃去，她返回學校後，在學校遠望到癈墟出現一條巨型紅色蚯蚓怪物，但其他同學完全看不見，他擔心草大的安全，所以跑去廢墟查看，卻看見草大正在嘗試把怪物關在門後，她立即上前幫忙！原來石像是要石，用來鎮壓怪物的，但比她拿起了石像，放走了要石，令蚯蚓四處出現…..！

新海誠的作品一定要睇吓😄，舆上次你的名字、天氣之子風格差不多，很多喜歡日本動畫的朋友都一定喜歡這電影👍🏻👍🏻👍🏻

奇異女俠玩救宇宙 Everything Everywhere all at Once

 

秀蓮與丈夫Waymond 及女兒Joy 住在美國的唐人街，經營一間洗衣店，兩公婆每日為口奔馳，同時她亦要照顧年邁的父親！丈夫想提出離婚但不知道怎開口，女兒有一個同性伴侶，秀蓮亦不敢告訴父親，令女兒十分不滿！一日，他們兩公婆帶同父親去稅局見審查員，丈夫忽然自稱自己來自另一個平行宇宙，並給秀蓮一個耳機，教她跳到另一平行宇宙，一起對抗 Jobu Tupaki …..！

呢套戲舊年曾經上過畫，當時想去睇，但係一路都唔得閒，所以冇睇到，最近佢攞晒獎，都預計佢會再次上畫，不過出奇地唔係好多場數，撞啱啱時間，所以就去咗睇！套戲唔係預期咁好睇，應該話係美國人眼中嘅華人電影就係咁樣！雖然佢攞咗好多獎，我都好戥佢哋開心，始終為華人爭光，不過套戲真係有少少悶，而且套戲都好長，正如英文戲名，所有野同一時間發生，有D亂 😅

香港花卉展覽2023

闊別四年，終於再有花卉展覽🌺🌸🌼🌷🌹🌻🪷🍀🪴🎍🌳🌿🌱，例牌去食D野先！ 今次去牡蠣不如㷌食碗拉麵先！🍜

今年嘅主題係繡球花，印象中繡球花應該唔係第一年做主題，anyway 今日天氣有少少陰天🌥️，有少少驟雨🌦️，好彩間中有陽光☀️，仲幾熱，今日長者有優惠，所以好多老人家，要排隊入場！其實應該分開兩條隊好D！而且排隊位好闊，雖然只係排5分鐘，但係好多人插隊 🤦🏻‍♀️ 

今年的佈置都好靚，每個位都好多人，不過今年少左學生圍住佈置畫畫！今次有兩個鬱金花海🌷，一大一細，細嗰個D花靚D，因為已經開晒，大果個D花未開，所以影出嚟冇咁靚！影左足足四個鐘！好攰 😅

 

流水落花 Lost Love

 

做開校巴保姆的天美因為校巴投唔到標而失業，天美同丈夫之前失去了兒子，現決定做寄養家庭，可以收錢照顧小朋友，小朋友一個一個陸續被其他家庭領養，轉過幾個小朋友之後，天美想領養其中一個女孩，但係領養家庭係不可以選擇要那一個小朋友，所以天美唯有放棄，在他全心全意照顧小朋友的時候，就冷落了丈夫，導致丈夫有外遇，她仍然決定不離婚，因為希望能夠繼續照顧小朋友…….！

鄭秀文近年拍的電影都角色比較感人，之前花椒之味講姊妹情，今次夫妻感情同孩子感情，沒有了偶像包袱，可以盡情演出，吸煙素顏都冇問題！難怪可以攞奬！成套戲都幾好睇！

豚丼のぶたはげ Butahage Hokkaido

今日去九龍灣搵好友食lunch，揀咗呢間食日本豚丼，記得上次去北海道食過十勝豚丼，好好味，當然香港都食唔番，不過呢度應該都可以滿足下！

我哋一人叫咗一個豚丼，味道都唔錯，我攞咗在日本買嘅手信俾好友，係一盒馬戲團主題嘅朱古力，我自己就唔記得影低佢，只有外盒個樣，好友話D朱古力個造型好靚好鍾意，下次可以再買呢一款比其他朋友！