Chin Chin Thai Cuisine

睇完戲過咗去康怡嗰邊食嘢，試吓呢間泰國菜，簡簡單單叫咗碗生牛肉河粉，豬髀飯，同一碟菜，食物就普普通通，食完就喺太古城行多一陣先至走！

 

無敵貓劍俠 (8+1 條命）Puss in Boots The last wish

 

貓劍客在一名政客家中大攪派對，被屋主發現後，死過一次，後來他發現原來自己9條命，原來只剩1條！牠要去尋找一個許願星，才有機會恢復九條命，在路途上遇到一隻狗，又遇返前度綿掌貓女，牠要得到她的幫助，才能實現最後願望。他們連同狗狗，一起踏上征途；在金髮姑娘、三隻熊犯罪家族、賞金獵人大壞狼阻撓下，及時前往黑森林，尋找傳說中的許願星…..！

唔係好記得第一集有冇睇過，不過今日因為有張禮券嘅關係，有就啱時間，所以先揀呢套睇，套戲不過不失，呢類卡通片通常都想像到劇情嘅發展係點樣！

iza’ bis (Izakaya x Bistro)

聖誕前席周圍都人山人海！去 City Super 行吓，前幾日同好友去尖沙咀果間食左西班牙生蠔🦪，好好食，今日諗住搵另一個在 Times 返工嘅 friend 食，點知搵唔到佢，唯有自己食！呢邊D蠔冇尖沙咀果間咁好食！

食完生蠔同好友行左一陣，買左兩支酒，好友返工後，我自己再行吓，然後在賣酒果邊見到有間餐廳，係屬於 City Super 的，見冇乜人，就入去試吓！呢個位以前都係food court ，依家改做餐廳都好，睇吓餐牌，主要係三個 course set menu ，都係西餐及少少日式！頭盤有沙律🥗 或者湯🥣，揀左湯，今日係磨菇湯，跟左兩片麵包，有 olive oil 同醋，個醋有少少酸，主菜有十款，叫左個香煎北海道帶子配茅乃舍鰹魚牛油汁，帶子都幾大隻，味道唔錯！甜品係抹茶蛋卷，都可以！飲埋杯咖啡，飽到不行不行😅

 

Ellipsis cafe & lounge

買完芝士行去上環，經過呢間 coffee shop又去坐吓！😅

因為頭先食飽左，所以只係叫左個 croissant 🥐  share ，飲杯野！呢間 coffee shop 電視節目都有介紹，不過佢好似未 ready 做生意，見食物櫃及水吧一片凌亂，好似未執好！店員都好似未準備好招呼人客咁！不過今日冇乜客，只有兩三枱客！

食物就一般，咖啡亦唔算好特別，位置有D隔涉！仲要上樓，應該都唔易經營！😅

 

the Dutch cheese and more

去飲完咖啡，行過摩羅街，去望一望，冇乜特別野睇，就行去大道中買芝士🧀，呢間芝士店有好耐歷史，有好多次想買但係驚攞返屋企太耐驚佢溶，所以冇買，趁天氣凍凍地就去買，店員話佢地已經經營左有十年！睇佢地D芝士款式其實唔多，山羊🐐奶芝士只有兩款，其餘都係牛奶芝士，有原味、煙薰、加左香料或蔬菜等，我地試左幾隻味，最後買左山羊奶特濃，貴族黃金低脂，同埋農夫濃味，佢哋係切左一舊咁賣，我地每款買一舊 share，店員再幫我地切細再包裝，話今晚先放雪櫃都得！唔使驚溶 🤣🤣店員好細心講解👍🏻👍🏻，芝士味道都好好😋😋

 

Hjem

最近睇電視見到個節目介紹香港嘅 coffee shop ，見到呢間幾特別，店名係挪威🇳🇴 語（原本以為荷蘭，睇到國旗先知攪錯😅），係 Home 嘅意思，店內坐位唔算好多，大概係七張枱，有D只可以坐 1-2人，最大可以4-5人，有4-5張 bar 枱位，門外仲有兩張細枱，店員只講英語，餐牌都好簡單，主要係 open toast、burger、沙律等，有D小食，bar 枱旁有黑板寫左今日 special 同埋邊D冇食物飲品今日冇供應！ 今日見 full 晒，唔知係咪電視介紹完多左客定平時都咁多人？店員都有少少唔耐煩！

我地叫左 兩款多士，係 mushroom 同腩肉，同埋肉丸，另外叫左 Gingerbread latte 同 flat white ，食物味道較清淡，如果喜歡濃味嘅朋友就可能會覺得淡！咖啡味道不錯，我地坐左個幾鐘先走！

 

Royal Inn

今晚又出去食，試吓呢間開左無幾耐嘅餐廳，門口裝IA修整左個類似凱旋門的白色拱門裝飾，加埋花花同聖誕樹，又好打卡able！

睇吓餐牌，呢度冇 set ，all day menu主菜以扒類同海鮮為主，生蠔做緊買六送六，我哋因為得兩個人食唔到一打生蠔🦪，所以就散叫咗四隻，兩個龍蝦湯，同埋龍蝦沙律，另外叫咗炭燒安格斯肉眼扒，生蠔係西班牙同法國，我哋覺得法國嗰隻幾好食，所以再加多兩隻，甜品叫左 crêpe 同心太軟，呢度入邊有個酒吧，門口都擺咗個水煙，我諗黃昏時間開始做埋酒吧！食物嘅質素都幾好，見餐廳入邊唔係太多人，可能佢個價位喺呢一個商場來講都係偏貴咗D！

幸福鳥

去太古城影完聖誕裝飾！我地去睇吓D小禮物，大家都要買聖誕禮物交換！睇完一輪都未諗定！

跟住去食 dinner，見到呢間食日本野，又試吓佢！ 除咗主餐牌！有D今日推介的海鮮，我地揀咗鱈場蟹肉鍋、燒三文魚鮫、串燒雞翼、鱔、牛舌、蝦、烏冬，食物嘅質素都唔錯，我哋因為有會員，所以送咗一碟炸魚仔，不過就味道麻麻哋！甜品有紅豆抹茶餅，今晚食得好開心，可惜好友冇帶佢隻狗出嚟，下次諗吓點樣見吓佢隻狗先得，好掛住佢呀！食完嘢仲送咗啲coupon俾我哋，留返下次用！店員服務好好，下次可以再食！