火鍋撚

每年生日，呢班好友都會係最早約我食飯好友，真係好有心，一早約咗今晚去打邊爐，呢間火鍋店之前去過中環嘅分店，旺角呢間都去過但係冇位，今次因為訂咗枱所以有位，呢度地方其實幾細，所以好快就爆場，如果唔訂枱真係有排等！大家都好準時去到，我哋叫咗牛肉、脆肉鯇魚片、水餃、雲吞、響鈴等等，食物嘅質素唔錯嘅，湯底嘅味道亦都好好，每次我哋食飯都會講旅行嘅話題，不過今次冇講，亦都冇講任何政治話題，主要係講番好有D小朋友，今次佢地冇買蛋糕，因為佢哋訂咗張枱在附近食甜品！食完火鍋呢度都會送個甜品，係腐竹糖水沙冰，味道就好腐竹糖水，略為甜咗D ！