多賀野

飲完喜茶，坐咗一陣，開始肚餓，就去搵嘢食，聽講呢度有間拉麵店好多人食，所以去會一會佢，去到門口見到排隊，大概有十幾人，咁我哋排隊一路傾計D時間都好快過，而且人流都郁得好快，始終拉麵好多人係食完就走，所以都唔係等左好耐就已經可以有位，拉麵嘅選擇唔係好多， 湯麵有四款， 沾麵亦都有幾款，但係頭先飲完凍喜茶覺得有D凍，所以就食湯麵，我哋叫咗一碗醬油拉麵同兩碗鹽味拉麵，個湯味道都唔錯，不過D麵我覺得佢太淋，味道亦都係比較淡，另外亦都叫咗一客餃子，味道就OK，不過唔係好夠肉汁，其實今日係好友 F 嘅生日，可惜今日市面情況唔係咁理想，如果唔係大家會同佢一齊食晚飯，因為大家都想天黑之前返屋企，驚今晚冇車走，所以食完麵我地都去搭巴士走喇！