裝修大作戰 - 13

開始進入尾聲，距離交樓日子仲有14日，呢個禮拜去左訂熱水爐、油煙機、冷氣機、洗衣機，車埋蒸爐上去！仲要買燈，今日上去睇睇，見D櫃已經裝好晒，洗手間未裝浴屏，睡房未貼牆紙，大致上完成左八、九成，下星期好多野要跟，大部份野下星期送，門鎖入伙果日裝，鐵閘仍未決定換，因為睇左幾間都唔啱，反正入伙後裝都得！

H15

好多年冇去 Ocean park ，哈佬喂更加係從未去過，今年好友相約去玩，昨晚才回港，今日去玩哈佬喂！

先去金鐘食D野，都有近一年冇去金鐘，在 Pacific place 地庫的 Cafe Met 吃了碗自選麵，是貴價版車仔麵！食完去統一中心等埋朋友坐的士過來接我，一齊入園！今日好熱呢！

朋友化了鬼裝入園，保安話要影相等批核才可以入園，因為之前有遊客被扮鬼的遊客所嚇，所以要記錄低，以便日後追查！攪左一輪先可以去換入場券，不過保安都識做，安排我地免排隊，好快可以入場！

入到去覺得好陌生，覺得同印象中的Ocean park 唔同晒，完全唔知點行，朋友去年來過也不太清楚，大家要睇地圖搵！先去搵鬼屋，呢度有幾間鬼屋，雖然不同主題，都不外乎突然跳出來嚇你，不過見到D佈置都好細緻，全程行去搵鬼屋，只係玩左一個機動遊戲，朋友不斷被集郵，玩到黃昏就去睇 show，個show係兩班鬼鬼鬥表演，又玩爛 gap ，都OK好睇，然後我地去影相，要等到十㸃先可以玩H15，因為我地book左呢個時段，等到夠鐘先有得玩！

呢個H15遊戲，玩法係每個人自己玩，首先入到去一個等候區，要除左鞋襪，在腳上掛上一個屍牌，即係殮房屍體縛在腳上的名牌，然後影張車頭相，跟住入去一處放左幾張醫院病床，你瞓上去，好似係一條死屍咁，"醫護人員"會推你去另一個好似停屍間的地方，你全程瞓响度玩，跟住有人整你腳板底，用水灑你腳板底，總之要你縮腳先放你走！跟住比人推去另一D場景，有靈堂，見到自己張相，跟住有判官、有火化爐、有內臟（類似投胎），經歷完整個輪迴就出返來，幾好玩，雖然火化果part有D驚，不過真係好有創意，難怪每年都咁多人去！

玩出來好累！撘小巴出旺角食野，去左喜來稀肉食韓焼，呢度食物質素唔錯，下次可以再來！

大阪5天享受之旅 Day 5 - Rinku outlet

話咁快，到左第五日！

行程最後一日，早餐在酒店食，整個溫泉蛋食！日本D蛋係好味D！

食完早餐，長途車，又係收錢同派貨既時間喇！之前訂左海鮮今日中午果餐食，其他野亦都派左，要收購物錢喇！比完錢，就去食午餐，去左一間叫左近的餐廳，這裡是吃烤肉放題的，我地之前買的海鮮可以 sashimi或者燒，因為老媽不吃生的，所以她可以燒來吃！我地有牡丹蝦、海膽、帶子、毛蟹，海膽要自己食曬，因為不會燒，老媽也不願試，帶子和蝦可以燒，毛蟹是熟的，可以凍食，來自北海道的海鮮好鮮甜呢！我們也吃了點烤肉，有些團友有買和牛，我們沒有，因為老媽不吃牛肉，而且覺得和牛也太油了！

食完飯，撘車去 Rinku outlet，個人沒甚麼興趣去 outlet，因為甚少買到野，太貴了，老媽反而好想 shopping ，我坐在長櫈等她呢！她睇中對鞋，但冇 size，佢似乎買得唔夠皮！不過夠鐘要去機場，去機場好近，呢程車收埋小費，好急趕，收完要落車，落車後派埋溫泉床墊，可以check in 喇！

Check in 完，小小自由時間，不過冇乜野好行，夠鐘就上機返香港，時間過得好快！五天行程算緊湊，老媽話腳痛添，之前仲話自由行，好彩跟團先冇咁辛苦！

大阪5天享受之旅 Day 4 - 和歌山、白濱

 一早起身，又在酒店食早餐 buffet，好多野食！食到好飽！

今日去和歌山，去睇貓站長，之前去過一次，當日貓站長小玉仍在生，只是當天沒有當值，今次去，小玉已經不在了，我地坐旅遊巴轉火車，先去貴志駅，大家在此影相，有車長衫同帽比人穿上拍照，然後坐火車去返伊太祁曾站，5個站就到，呢度有個小小商店，其實是火車售票處，呢度又係車廠，可以影D停泊左的火車！

影完相出發去白濱了，今晚住溫泉酒店 Coganoi bay，到左酒店分左房，就分返D之前訂的手信，我拿拿聲穿浴衣去浸溫泉，老媽子唔浸，我自己去，呢度個溫泉超細！得一個池！！我去到得一兩個人在浸，浸左大約十分鐘，突然來了二、三十個韓國大媽！一團人走入來，都係走喇，咁細個泉點塞咁多人！冲完涼出來，在化妝間D大媽唔識英文，用身體語言問邊支係洗面，我教左佢之後就走，走時見到團友三母女剛到！我返房會合老媽子，在酒店行一陣，去到酒店泳池旁邊影相，呢度竟然冇人！可能冬天冇人去泳池，而且泳池內已經沒有水，影完相在酒店內的商店睇野，買左小小野去食飯，今晚食日式，溫泉酒店多數食日式懷石料理，今晚都係，雖然唔係好精緻，不過有魚生、有火鍋。都好豐富，好好味，食完返房休息，原本可以浸多次溫泉，不過個池太細，唔浸喇！

大阪5天享受之旅 Day 3 - 環球影城、梅田

早餐在酒店食自助餐，食物選擇算多，早餐除左一般食物外，都有鐵板燒食，飲品選擇也不少，食完早餐就入園喇！今日全日自由活動，入到去先去哈利波特，仍然係有好多人，我地只係四圍影相，因為老媽唔玩機動遊戲，所以只有影相同 shopping！

影完哈利波特就出去其他園區，今次冇乜買野，因為同去年的產品差不多，而且老媽冇興趣，好想去 shopping ，所以行左半日就走，出左去梅田，去阪急百貨行街，其實阪急D野比較貴，所以都冇乜野買，老媽想買鞋同袋，但係睇唔啱，所以佢都冇買野，只係買左水果，行到肚餓，就上去搵食，見到有間食鰻魚，叫做つる家，就試試，叫左兩個 set ，價錢都唔平！不過又幾好食喎！出乎意料之外！食完飯行多陣就返酒店喇！

大阪5天享受之旅 Day 2 - 京都清水寺、渡月橋、心齋橋、環球影城 Universal Port hotel

一早起身，先在酒店食自助餐早餐，食完早餐就出發去京都，落左車都要行斜路上去，呢度來過幾次，都知道點行，先入去清水寺，在清水舞台影完相，行落去羽音瀑布，冇排隊飲水，清水阪行左一陣，上返車去渡月橋！

去到渡月橋先去食 lunch ，食一人一鍋紙火鍋，食店在樓上，樓下是賣手信的地方，食物都好清淡，主要係豆腐、菜，小小肉，食完飯可以在樓下的商店購物，亦可以去出面的河邊影相，我買左兩個和服酒樽套！

跟住去心齋橋，導遊講左邊度食飯之後，就自由活動，只有兩小時活動時間，要去大丸同高島屋，兩間百貨公司，一間在心齋橋的街頭，一間在街尾！先去大丸，順便睇睇有冇LC，呢度D水果好靚，買左巨峰提子，好大粒呢！LC款式比較少，始於都係高島屋最多最齊！買完水果要急急腳去高島屋，先去攞 discount card，然後上去買LC，買完趕返去食飯的地方，今晚食火鍋，之前order 左鮑魚，今晚可以食喇，火鍋店類似 tatami ，兩張四人枱一間房，食物 buffet 形式在外面大堂自取，主要係肉類同蔬菜，食完返酒店。