粗菜館

上星期日成班去左九龍城粗菜館食飯,我地叫左石斑,白灼蝦,炒蟹,黃金蝦,扇貝,水煮牛肉,芒果雞柳等,呢度最出名係炒豬什同埋豬油撈飯,我對豬什興趣不大,豬油撈飯之前食過好好味,隨時可以食幾碗,果日食得太飽,無食飯,佢地就打包返去食.呢度地方細細,食吓家常便飯都OK,唔算貴.

地球毀滅密碼 Knowing

套戲講响1959年,在一間小學的開幕典禮上,學生們畫一張他們估計未來50年的事物圖畫放入時間錦囊,藏於小學正門的地下,其中一個女生將一張寫滿數字的紙條放了了去,那女生的樣子充滿恐懼,雙眼圓瞪,眼圈黑黑的,那女生寫到最後尚有幾個數字未寫完,卻被老師收了..........................50年後的2009年,學校開啟了時間囊,那張紙條被Nicolas Cage的兒子家立帶了回家,尼古拉斯基治無意中發現那些數字竟準確地預言了過去發生的大災難的日期,傷亡人數,中間有些數字期後發現是座標,他發現的第一組數字是911012996,明顯是911於01年發生,傷亡人數2996人,期後的數字他在網上找到有關災難,他亦發現尚有三個未到期的預言,包括地球最終毀滅密碼,最後他得到當年小女生長大後所生的女兒戴安娜和孫女幫助,他找了最後一組座標,但地球仍難逃此劫.....................!戲入面果三個災難發生既戲好迫真,彷如身在其中,好驚吓,過往呢類戲都係男主角最終救了地球,今次他只救到兒子,自己回到家人身邊,與家人相擁等待末日一刻........! ...........人..活着就是幸福!

表弟的婚宴

上星期六表弟在尖沙咀設宴,只有親戚沒有請朋友,只擺了5圍,由於新娘子是韓國人,只有幾個親人過來香港,一對新人穿上傳统的韓服,很漂亮很特別.
吃飯的地方望出去是美麗的維港夜景,落完雨的晚上,沒有了雲霧的晚上,景色像被雨水沖洗過般清晰,天上仍有些烏雲未散,像透我的心情.............!很喜歡看着海的感覺,喜歡浸在水裡的感覺............!

BBQ告吹

前日約好左成班人再去元朗BBQ,下午入左元朗市中心買扒同埋海鮮,天氣仲好好,我地買左好多扒類,丸,腸,鱔,蜆,大眼雞,菇類,粟米,蕃薯等等.....然後去Suki屋企整理d野食(其實得Suki自已洗野!),上次去西鐵燒烤場唔係咁好,今次去屋苑個燒烤場,我地一路睇碟等夠鐘,呢個時侯Rita攞左佢部相機出黎,佢買左個魚眼鏡,我地影大頭狗相,影高抄又低抄,又單人,又雙人,又成班人,玩到成身汗,笑到流晒眼淚,成班笑到顛晒,............之後我地睇碟睇到六点\點半預備落去燒烤場,就响呢個時侯開始落雨,個燒烤場冇瓦遮頭,今次BBQ唯有告吹,改為留在家裡煎左d野食,d蜆就油鹽水煮,d蜆好大隻,一斤都有5隻,大家食左笫一round丸同腸已經飽,到d蜆食得時,大家又食得落!!清晒tim,最後都係食唔晒d野,大家坐左响度睇電視(等Suki執手尾!!我地好衰呀!!!)可能大家好專心睇電視,成晚都少左傾計,之後Suki攞左佢在沙巴買既榴槤雪條,榴槤朱古力,出來比我地試,真係好好味!今次無約定下次幾時出來,遲d睇吓幾時可以再出來!

無言

..................................

Inkheart 魔法天書

最近無乜戲好睇,睇左呢套魔法天書,講男主角在朗讀故事書時,能夠將書內的人或物帶了出來,同時要由另一人交換,他的太太因此而失踪了多年,他帶着女兒四處尋找那本令她失踪的書,中間有被書中出來的魔頭捉去,幾經波折終於大團圓結局.

食在台灣

部電腦尋日無端端唔着,今日又無事,睇怕係時候換機,話晒都用左五年.

上次去台灣都食左d出名既野食,好似大腸包小腸,阿宗麵線,鴨肉扁,鼎泰豐,老天祿鴨舌,點水樓等等,我就唔覺得好好食,可能期望太高,同埋太飽,好多野都無試到,真係食唔落,不過我覺得鴨舌好好味,好多夜市都有滷水食物,都唔及佢好味,買返黎一打開就即刻食晒,真後悔買得太少.....好彩有friend下個月去台灣,實行叫佢幫我買先!

台灣遊

雖然是第一次去台灣,今次我無預備行程,因為其餘各人都去過,所以我都指意佢地帶路,結果都係行錯路,同埋無乜去過邊,因為大家都懶.......行無幾耐就hea吓食吓坐吓咁,就咁hea左三日,第一日去左美麗華,士林同西門町,第二日去復興路同101,第三日去左微風廣場一帶,第4日check out 之後,就在酒店附近行行行,行到夠鐘就去機場,總括台灣比我感覺好似大陸,不過d人熱情d禮貌d,旺區就有d似香港,消費都算低,難怪咁多人去啦!

Pause

這陣子好像好多人和事都像按了pause掣一樣,好多唔開心同困擾既事發生,大家好似無乜心機咁!希望可以快些否極泰來,回復生氣吧!祝大家生活愉快!

心煩意亂

網誌日期：2009-04-01 01:20



放完假返工就聽到令人憂慮的消息,好煩呀!!!!

Home

話咁快4日3夜既假期就完左........成個假期食食食食食食!休息完先再upload 吓!

The Reader 讀愛

Kate Winslet 由中年演至老年,而男主角由teenager到中年,分別由賴夫費恩斯,大衞高斯演,少年的戲份較多,賴夫費恩斯再演性格沉默,令人難以了解的角色,當然,這樣的經歴發生在一個十五歲少年身上,對他日後成長有很大的影响,而這個只有兩人知道的秘密關係,及那份愛與內疚亦纏繞了他的一生.

睇完套戲令我回想自己年青時的際遇,又有沒有對自己成長有所影嚮呢???

晚上回到家裏執拾行李,明天早上飛台北,星期日先返來!

Departures 禮儀師之奏鳴曲

今年奧斯卡的得獎電影都有很高的評價,繼Slumdog Millionaire之後,這是另一得獎電影,最佳外語片,男主角本木雅弘更在亞洲電影大獎贏得最佳男主角,印象中的本木雅弘就只有Gatsby崩頭做型的廣告,還是第一次睇佢演戲,覺得佢都幾charming喎!

套戲既故事係講本木原本是樂團的大提琴師,樂團解散後,與妻子搬到母親留下位於山形縣的房子居住,為了生活而做了無人願意做的禮儀師,替屍體做"納棺"的工作,當中亦攪出不少笑話,過程中他自己和身邊的人漸漸體會這份工作的意義...........最後亦冰釋了與父親之間的怨恨.

成套戲有笑有淚,前半部有不少笑話,後半段節奏慢了點,亦有幾場流眼淚位,有家屬呼天搶地的場景,令人看得眼濕濕..........而禮儀師的工作確是非常專業,亦對死者非常尊重..........................作為最佳外語片,確是實至名歸!

恆香棧

果日去Cyberport 睇戲,見個商場都好靜,人都唔多個,去睇戲前,去左戲院旁邊個間恆香棧粥麵店食野,我地叫左酸薑皮蛋,d皮蛋雖然有小小糖心,不過唔太靚,好懷念鏞記既酸薑皮蛋,每次去都要一人一碟............都好耐無去了! 我地又叫左炸両,呢個炸両就麻麻地,d麵就一般啦,不過呢度强調唔落味精,價錢算經濟,都算唔錯!

個商場地方都好大,商鋪唔算多,不過幾多餐館同埋婚紗公司,地產公司,可能附近多豪宅,商場有個Rose Chapel,好似教堂咁既佈置,比人行婚禮,都整得好靚,附近亦都有間酒店,呢度都幾自成一國,不過真係唔就腳.

He's Just Not That Into You 收錯愛情風

因這部戲演員的組合,吸引了我入場,雖然唔知故事大綱,相信與Love actually 相類似,還是去了我從未去過的Cyberport看................故事講5個渴望愛情的女人,有見過對方一次面後便苦苦等候對方電話的少女,有和男友同居七年因對方不想結婚而分手的,有婚後多年與丈夫表面甜蜜，可是雙方心中已有隱憂的,有愛上了有婦之夫而又與其他男人糾纏的.......他們之間有些相連的關係,最終有人得到了愛情,有些失去了卻又未必唔係好事.......故事中間穿插了一些人的說話,像訪問一樣,最後亦訪問了戲中各人..........雖然有d唔係好明,不過愛情既..........who know?

大玩

上個月見到地鐵站個廣告"大玩"兩個字,見佢$1099起都好吸引,正諗緊揾邊個去,阿雯問我有無興趣去,我諗住佢去過幾次應該無興趣,佢話上次我陪佢去上海(其實我自己都想去既)所以今次佢陪返我去,我地就定左呢個月尾去,仲揾多兩個人去,佢地幾個都去過,得我未去過,我要自己攪入臺証.

我上網登記左,可以到時去機場攞,我見有時間,都係去金鐘攞左先,去到好多人,d指示又唔清楚,又無人比你問,所有野都自助,好多人好似我咁,唔知點做,我見d人填form,影印身份證,都唔知點,問d排隊既人,佢地都唔太清楚,問d填form既人,淨係話排隊攞.我見得三個窗在工作,一個是詢問處,條人龍最長,另一個係交表處,係收d人填好既表,最後係領証既窗,基本上全部人要排詢問處,我唔知乜野情况下要填form,我同果個冷漠既職員講我在網上登記了,他收了我的證件,給我一張黄色飛,淨係講左句"等叫number",然後等左個半鐘,叫我的number去2號窗領証,比錢就攞到.........如果d指示清楚d就好啦,甚至應鼓勵d像我攞短期臨時簽証的人即時上網登記,而要特別安排要填form果d,就另外在指定地方處理,就唔使咁亂.

百樂潮州

前兩晚同屋企人去左Element百樂潮州酒家食飯,當係同媽咪補祝生日,唔知送乜比佢好,最後買左機頂盒,等佢得閒喺屋企多幾個台睇吓........我地叫左唔係好多野食,不過都係食唔晒.........先來個杏汁豬肺湯,好濃既杏仁香,個湯白雪雪好似杏仁奶咁,好味,姨甥女以為係糖水,跟住個什菜煲都一般OK,我好鐘意食d蒜子,個拼盤d鵝片就唔係咁理想,始終潮州酒家d鵝片應該係比較重要既菜式,而個蠔餅就幾好味,仲幾多蠔仔,個明爐烏頭係最受歡迎,好快清晒,我們這一家都很喜歡吃魚,個炒魚麵我無食到,個炒飯有塊煎蛋包住,都幾好味.最後都要打包.

食完飯例必要些甜品,我地叫既反沙芋要等,等緊既時候,大家係度研究姐夫部新相機,姨甥女攞住周圍影,因為較左view finder要單眼睇,可能佢覺得好玩,比平時睇住個screen 影唔同,部機又重,見佢好辛苦捧住部機影,不時要借力,又影到部機搖搖欲墜,好攪笑,所以我又影低佢.

最後甜品有芋泥,我無食,驚好甜,芒果糯米糍都無食,d細路既至愛,比佢地食晒!反沙芋就食左兩件,d糖好硬,都唔算太甜,都OK好味啦!