零食車仔檔

今天在尖沙咀見到這種舊式的零食車,我以為不會再有這些車仔檔,因為大家買這類乾果零食都會去優の良品或么鳳度買,我買甘草檸檬和無花果條.

之後去了Ocean Terminal, 那處正做裝修工程,很多商店都不見了,我去了上次和姊姊去的那間小店食野,我選了老虎蝦茄醬闊條麵,那些蝦雖然大隻,但絕對不是老虎蝦,那些闊條麵話係自家手打的,味道不錯,還要了一杯杧果香蕉smoothie, 好酸的杧果呢!




走的時候買了美珍香的肉亁,明天和同事們share!

有機牛肉炒春菊菜/露筍

一連兩天買了澳洲有機牛肉來炒菜,(不知有機牛肉是否指來自用有機飼料來飼養的牛呢?)昨天買了那些沒有吃過的有機春菊菜來炒,牛肉很好味,可是菜不好吃,味道像極唐蒿了,大概應用來打邊炉.

今天用同一種牛肉配露筍,很好味呢!還買了榴槤,昨天見到blog友post的榴槤相片,已經很想吃,今天在超市見到便買來吃,還有西瓜,有點熱氣,先雪凍留待明天才吃,原先想買香蕉,但係好"生",所以沒有買.

像唐蒿的春菊菜,味道麻麻!

牛肉像甜品一樣裝飾上露筍!!just for fun !!!!!!

金枕頭, おいしい !!!!!

西瓜像太陽!sweet!

澳洲穀飼豬肉炒有機油麥菜

這陣子常常要OT,都沒有時間煮食,今晚好想炒菜食,去超市睇吓有冇d有機蔬菜,選擇不多,只有油麥菜,唐生菜和一種叫春菜的,因為沒有吃過,不知味道如何,還是選了油麥菜,原先想用牛肉炒,但一pack pack的牛肉較大包和貴,見有一包叫做澳洲穀飼一口豬扒,細細片,不太貴,便買來試試,不知應否像豬扒一樣要先拍鬆它,我還是懶得做,只是調味便煎,味道不錯,肉質也很鬆軟 (可能是我煮得好吧! 哈哈哈哈!!!!!!!),那些有機油麥菜好像比平時那些好味一點,可能是沒有農药的關係吧!以後都買有機蔬菜吃,相信會較健康些!

糖

昨晚同阿孫買左d夾糖,見到這個糖,好攪笑,尤其係啡色既朱古力味,佢揀左士多啤梨味,我揀香蕉味,波子氣水味同朱古力味,咖啡味就比佢地,聽日試吓好唔好食先!

Mos Burger

一直想去試這牌子的burger,只是見到那條人龍便放棄,今天終於試了.

晚上原本想同阿孫去看ghost rider,但係去到朗豪坊都成八點,開左場,又唔想睇九點半咁夜,就放棄左,响商場行左一陣,見Mos burger無人排隊,我地都未食過,咪去試吓,我同佢都選左有cheese既burger,都幾好味,d飽熱熱地有d脆,d cheese溶左,連埋茄汁流晒出黎落個紙袋度,直情食少左一半芝士,而且d芝士我覺得淡左d(因為我鍾意濃味d)塊蕃茄好大片,可能食慣老麥,覺得呢間fresh d 好味d.

食完野响旺角行左一陣,去左玩扭蛋,見到有迷你NDS手機繩,但係無晒,我扭到史廸仔同星座kitty,兩款都係我想要既,yeah!!!!

戰狼300

看報紙的電影介紹說這套戰狼300的拍攝手法有很强的視覺效果,又將它與魔戒比較,所以去看了這電影,聽說電影主要是在厰房拍攝然後在電腦加入效果的,一如魔戒般影像灰灰黑黑,一班男角都練得一身肌肉,男主角演的國王,奮勇善戰,帶領300壯士對抗千萬敵軍,令我想起現實生活中,我們的國王(老細!!)是怎樣帶領我們在職場上作戰呢?片中一些埋身撕殺的場面真的很震撼人心,我看得很緊張呢!

看電影前見書店正在做八五折,便買了本旅遊書,早前看雪影移城見到介紹北海道,好想再去一次,見這書是07版內容較update,而且之前買過同一系列的東京版本,帶去自由行時很有用,所以買定先,我打算明年才會去旅行,依家開始睇定,再上網揾定料都差不多了!

Amaroni's little Italy

今日約左亞Suen同Ronald一齊食飯,原本想去雪村,點知要六點先開,想去板前又勁多人,諗住去八月花試吓,又係要六點!最後去左Amaroni's little Italy,呢間餐廳我去過好多次,但係佢地未去過,見有位咪去囉,我都好鍾意果度d裝飾,幾romantic,我地叫左一個青口,蒜蓉菠菜磨菇,海鮮意粉同埋露絲瑪利雞,Ronald問使唔使加大,我話千祈唔好,我知佢地d菜好大碟,頭盤同side dish會細d,我都驚食唔曬.

d菜黎到見倒好大碟,連side dish都比以前大碟左,我地好努力咁食,先剩返半碟意粉同埋一件雞,飽到唔識行,原本想影個碟好大又好味既青口,不過燈光太暗,我又唔好意思用閃燈,所以無影相.

食完飯响下面見到商場有個名為Tast the world既promotion,有個厨師响度整朱古力,我見有好多朱古力磚,佢不斷將d朱古力塗响個大圓圈度,見佢滿頭大汗,又整左好耐,睇左一陣就無睇.

微波爐蛋糕

昨天買的韓國食品中,有一個朱古力味的微波爐蛋糕,做法是先在碗內打一隻雞蛋,不知是否像平時做蛋糕一樣要打很久,微波爐食品不會這樣複雜吧,我只打了一會,便加入麵粉包和入爐朱古力,然後放入微波爐內叮1分20秒便完成,味道OK啦,質地比較鬆,想自己親手做個小蛋糕玩吓都好方便,還有士多啤梨味和雲尼嗱味,賣$9.9是貴了點!

韓國食品節

今天約左亞坤和亞孫食晏,去左板前食壽司,叫左我哋最鍾意既燒鵝肝壽司,好味,不過要少食,因為高膽固醇!同亞坤傾開佢下個月去日本玩,佢地一行6人去,一定好好玩,佢話諗住joint團去,我强烈建議佢自由行,可能自己兩種都試過,跟團就主要係觀光無咁自由,而我比較喜歡那種去"闖"的感覺!何妨佢都係諗住shopping為主.

之後去Taste見到做緊韓國食品節,好多零食呀,飲品呀咁,我買左蔘雞湯,薯仔豬肉湯麵,辣烏東,八瓜魚脆片,甜薯仔條,甘薯蜜糖脆條,柚子蜜,濟洲橙汁,五穀米槳..............好重呀!

容記小菜王

昨晚一行廿多人去左深水埗容記小菜王宵夜,那處的燒腩仔很出名,預早訂了4碟和2隻盬焗雞,個碟燒腩仔真係好好味,一點都不肥,還未來得切拍照,幾乎給大家夾清,還有一個鐵板串燒XX豬肉(唔記得個名!)好香,不過味道一般!其他小菜也沒甚麽特別!我發現佢地响天花板貼滿放雞蛋的紙托,唔知係咪可隔音呢!

吃得差不多時,忽然大家都起哄要亞民喝酒!原先想叫他飲一杯,卻愈來愈多,大家情緒高漲,我還不停拍照,最好笑係成班好似林海峰上身,一時成班擺可愛教主post,一時擺五虎post,最後迫嘉明同亞孫影情侶合照,個個笑到停唔倒,學林海峰話齋"超低能,勁攪笑"!

雪村

今天中午約左Cool, Suen, Joe 同佢個女一齊食晏,她的女兒惠惠已20個月大,和她玩了半天,累極了,她累得呼呼入睡,我們便各自安排節目,我約了姊姊晚膳,便走了去銅鑼灣行街,行了個多小時很累,在10樓的Sogo club外坐了一會,坐了一會便睡着了.............過了一會,坐在另一邊的一個男子,因睡着了而跌了一便書在地方,令其它人都醒了!

和姊姊在么鳳會合,已很久沒有和她外出吃飯了,我們到City super 行了一會,她的女兒去試食日本柑時在汁都滴到枱上了,那日本人仍禮貌地叫我們試食,那些柑很甜$32有4個,她們買了一包,之後我們去了雪村串燒吃晚飯,最近去過同一集團的板前壽司幾次了,也想試試這店,便上去揾位,等了好一會才有位,我們叫了幾碟串燒,我叫了一客雞肝,味道不錯!還有鰻魚壽司,鵝肝,炒野菜,稻庭冷烏冬,吃得鉋飽,還有甜品雪糕!好味!



鰻魚壽司好好味,不過紫菜好快腍!



燒雞肝,剛剛好熟!



燒鵝肝,以為好多件,原來面頭是東菇,下面4件才是鵝肝,好肥!



稻庭冷烏冬,好好味!