魚粥

這兩天又凍了點,今天外出時也要穿件厚外套.

打算去裕華買野,順道去金城食粥,點知未開,要初七先啓市,响附近有間叫新興的粥店,獨沽一味只賣魚(也有雞粥),大魚和鯇魚的任何一部份都有得食,有魚嘴,魚頭.魚雲,魚卜,魚片,魚腩,魚皮,魚尾.............有白灼,有薑葱,有粥品............總之全部係魚,我重留意到全店職工,都是女性,不論煮粥或切料,都是女士,店裏很多人,所有枱都坐滿人,只有門口有位,我唯有坐了那個位,我叫了魚卜粥和魚皮,因為是生滾粥,要等好一會,未吃過魚卜粥,這粥用的魚卜很大個,不像平時在街市見的小,碗上鋪了很多生菜絲,裏面有五六個魚卜,有小小腥味,也很重膠質,那魚皮跟金城的差不多,如果加點潮州花生便更好!

吃完粥到裕華行了一會,買了洗頭水,樓上手工藝品那層很多人,我見到一個很傳统中式的木制首飾盒,很漂亮,有三層,可以放我的水晶晶,只是貴了點,要$980元呢!



之後買了本U travel雜誌和2本cook book,在雜誌見到一篇關於一個從事投資之類工作的女士,訪問中談及她做Opera蛋糕的內容,照片上見到天后那個教室的Alfred,他真是桃李滿門,事實他的餅是很好吃,我買了一本中式甜品的書,希望在夏天做些甜品吃.

炎熱的新年

今天是最熱的年初一,氣温高達25度,很多人都穿短袖衫,買來過年的衣服都太厚了,見到街上有小孩穿上傳统中式棉襖,好熱呢!還見到一個小女孩圍了毛毛頸巾呢>.>"

今天幾個好友不約而同都來找我,平時也約不到這樣齊人,多月不見阿魚,上次她因身體不適沒有出來吃飯,今天見她把留了多年的長髮剪掉,她和我一樣頭髮都很幼,她看來清奭了,她一身鬆身裙長boot,加上短髮,看來像個孕婦,我笑她是否有喜,她男友Gary搶着說她真的有孕!!!!!!!好surprise!!!!早陣子Gary還四處張揚要結婚,原來是有了BB,朋友中已很少有人懷孕了,雖然我也覺得生小孩是很重的責任,還叫人不要生小孩,這世界越來越亂了,看不到孩子們的將來是否幸福了!加上之前Gary對她有過一次不忠.........................不過,她既然已决定了,還是替她高興的.一大班人嘩啦嘩啦好吵呀!!!!也好開心!

今天收到Suen送了一盒燕窩給我,真不好意思,不知是否她估到是我偷偷把小禮物放在她locker,所以她給我回禮吧!
在電視看到花車巡遊,好想去睇,好熱鬧!只是時間配合不到!來年希望有機會吧!

恭賀新禧

恭喜發財!!!!!!!!!

祝各位財源廣進,身体健康,心想事成,步步高升,豬籠入水!!!!!!!!!

翻生侏羅館(Night At The Museum)

一直等這電影上映,今天有時間去睇,就約左阿孫去睇,下午預先揾人買定飛,都好爆吓,我地都係剛剛好夠鐘去到,去到先剛剛散場,都播得好密,講返套戲,有幾場真係好好笑,有d角色既言行好無厘頭,好似個館長同三個老看更,都幾惹笑,輕輕鬆鬆笑一餐.

睇完戲去左EXP食飯,叫左客三文魚冷麵同生牛肉冬陰公河,一路食一路傾,傾到人地收工,一路响商場兜圈,傾計傾到唔想走,不過太夜,都係第日先再傾.

抽獎

前兩晚公司團年飯,抽中左三獎,好surprise !係我去買既嗰條Agnes b 頸鍊,好開心,不過諗諗吓都好少會戴,都係决定去換對耳環,去到Agnes b,都無我想要既野,應該話根本無純銀耳環,最後都係揀左兩款小吊飾,都幾得意,可以扣响手鍊度,或者手機繩度,個心心重可以打開tim.

今天情人節,收到兩份朱古力,都係同事送,收工時趕住走,留低左响公司,淨係攞左早兩日買嗰支慈善天使玫瑰花,希望大家情人節都快樂la!!!!!!!

LV

今天一早出了尖沙咀買公司抽獎的獎品,去LV和Gucci睇吓,見兩者價錢相約,還是選LV吧!已很久沒有去過這些名店,曾買過一個LV的手袋,幾仟元一個,用了一段時間,覺得食之無味,棄之可惜,也不是一般打工仔能affort得起時常轉款,現時有二手店和ebay也能減少了浪費.

店子裏很多人,九成都是內地同胞,和一些打扮casual 的中年人,都是主攻手袋,店員忙得團團轉,付款還要排隊等!!比海港城裏任何一間商店都要忙得多,我因應budget買了一個銀包$2100和一個卡片套$1380,買完再去Vivienne Westwood 買手機繩,那處正在減價,有六折,我買了一條短的,原先想買有Logo的那款,卻只有長繩的款式,最終都買了直條款這條,$540元折左$318,買完重要揾Agens b,看完地圖才知整個 Harbour city 都無,好左之前上網睇過,記得好似响Sun plaza, 去到就見到男裝部,落一層就係accessory,正不知選那款好,店員說送給人的話可以回來換,我便選了舊一點那款,新那款較女性化,還是舊那款較隱陣.

行左成日,腳都好倦,還被那對新鞋"咬"到隻腳好痛甩皮,買呢對鞋時大意左,試嗰陣啱,諗唔起新鞋較緊,應該買大一個碼,下次唔知幾時再穿!

LV

今天一早出了尖沙咀買公司抽獎的獎品,去LV和Gucci睇吓,見兩者價錢相約,還是選LV吧!已很久沒有去過這些名店,曾買過一個LV的手袋,幾仟元一個,用了一段時間,覺得食之無味,棄之可惜,也不是一般打工仔能affort得起時常轉款,現時有二手店和ebay也能減少了浪費.

店子裏很多人,九成都是內地同胞,和一些打扮casual 的中年人,都是主攻手袋,店員忙得團團轉,付款還要排隊等!!比海港城裏任何一間商店都要忙得多,我因應budget買了一個銀包$2100和一個卡片套$1380,買完再去Vivienne Westwood 買手機繩,那處正在減價,有六折,我買了一條短的,原先想買有Logo的那款,卻只有長繩的款式,最終都買了直條款這條,$540元折左$318,買完重要揾Agens b,看完地圖才知整個 Harbour city 都無,好左之前上網睇過,記得好似响Sun plaza, 去到就見到男裝部,落一層就係accessory,正不知選那款好,店員說送給人的話可以回來換,我便選了舊一點那款,新那款較女性化,還是舊那款較隱陣.

行左成日,腳都好倦,還被那對新鞋"咬"到隻腳好痛甩皮,買呢對鞋時大意左,試嗰陣啱,諗唔起新鞋較緊,應該買大一個碼,下次唔知幾時再穿!

電髮

上星期又病!整個星期都吃粥和米粉,很怕再病!

昨日"的"起心肝去整個頭,都係決定電左佢,始終頭髮又幼又少,去到Salon,髮型師話點解我d頭髮長得咁快重直晒,其實上次電髮係四月架喇,加上無剪過呢.原本諗住攪3個鐘,最後都要4個鐘,重唔夠時間做colour,因為約左d friend 食飯,電完出黎唔多滿意,因為我唔鍾意太卷曲的髮型,而家d頭髮好似彈弓咁!個curl太細,唯有盡量拉直d黎吹頭喇!

之後同 Suki, Moon, Rita, Suen 同埋嘉嘉一齊去左旺角潮樓食潮州菜,亞魚病左無黎到,我只係食菜,其他野都唔想食,我地一路食一路傾,支支喳喳就傾左三個幾鐘,之後佢地仲興致勃勃話一齊去釘耳窿,不過成11點,乜鋪都收晒啦,跟住亞suen話要買Laneige,好彩11點幾都重未關門,咪可以shopping囉!

今日去左媽咪屋企飲蟲草湯,飲完湯去左銅鑼灣買野,Sogo做緊Wacoal減價,之前買過既款有成半價!即刻買左三個bra同一條褲,跟住見到d睡衣特價$99,不過d款好男裝,點知比我揾到套黄色既睡衣重係未開封架!跟住去比錢時,出示Sogo club 証重送多條Wacoal褲tim!正!



落到香水嗰層,聞到好甜既香水味,係Escada既Sunset heat,同舊年嗰款Rock n roll 好似,我諗起入黎時响門口都有個counter响度,都係落去睇吓,順便去Tiffany同Gucci睇吓,要為公司抽獎睇定獎品,落到去見到有一男一女sales响個counter度,好少有男sales,重幾好樣tim :P ,佢介紹我買一套香水連shower gel 同lotion,比單買一支香水貴$100,重有埋個袋,見佢靚仔就買喇! 哈哈哈.........!!!!