年初二

網誌日期：2008-02-09 00:08

今日年初二,一家人去食開年飯,去到酒樓,d侍應姐姐輪住黎拜年,不過佢地都好識做,送柑比我地,又加大左甜品份量,今餐都係食點心為主,亦有炒麵同炒飯,好快飽!
食完飯去左朗豪坊行吓,諗住好多shop會唔開,點知九成都有開,果度佈置得好靚,好多老鼠仔,好得意.我去H&M行,見出晒春裝,睇啱左幾件,要排隊試衫,仲多人過平時,不過試既多,買既少,見試完話唔啱既有好多,收銀處又無人比錢!我就試啱左3件,原本想遲d買,不過驚遲吓無size,我買左一紅一綠,好少買呢d色,不過春天應該鮮色d,仲有件灰色無size!!最近都幾鐘意去H&M,貪佢地d衫幾trendy又多size!
跟住去左IPSA買粉底,上次試過覺得唔錯,今日就試啱顏色就買,再去L'OCCITANE睇玫瑰系列既保濕噴霧,個味都OK,之前佢地隻Hand cream陣味太濃好刺鼻,今次試埋body lotion就唔錯,都last到好耐.

Kung Hei Fat Choy

網誌日期：2008-02-07 00:35

恭賀新禧!祝大家身體健康,萬事如意!
昨晚同成班同事食團年飯,我地去左沙田嚼江南,我地開左2支紅酒,叫左個套餐,有火朣雞燉翅,小籠包,蝦仁,元蹄等等,味道都OK,不過唔係咁抵食,d餸好細碟,食埋甜品都唔係咁飽!食完飯响新城市行街,諗住買鞋買唔到,行左好多間,一係唔啱心水,一係無size!我係大腳板,都好難買鞋!



今日同屋企人團年,我去左又一城睇吓有無之前睇啱無size嗰款鞋,都係無!不過揾到第二款,咁就買左喇!响商場見有人表演中國舞,都幾好睇.响商場入面都好熱吓,可能好多鋪頭都關左冷氣,行到我身水身汗,買完野就去左家姐屋企做節,今晚食盤菜!好飽呢!

鮑魚

網誌日期：2008-02-01 00:16

今日好忙,先去旺角買野然後去銀行,再落銅鑼灣,諗住買罐頭鮑魚比阿媽同家姐,之前睇雜誌介紹同比較過,話阿一鮑魚既罐頭鮑魚都OK抵食,所以去Sogo買,去到Sogo好多人,我先約家姐去5/F間UCC度tea,我地叫左法式多士同coffee,坐左陣就去Chanel買化粧品,見張poster個model個粧顏色好靚,深藍色既甲油好靚,比黑色好睇d,之前家姐已經想買,但係無人得閒理我地,今次終於都買到.買完化妝品就去超市買野,我試食左華麗園既年糕,都幾好味,不過貴左d,或者下星期先買啦!

9 度

網誌日期：2008-01-31 01:03

好耐無試過咁凍,睇電視見d民工响車站既混亂情况,真係好慘,我响屋企開住暖爐,還可渴一口熱湯,真係好幸福!

今日約左Simon, Alan, Angel, Ceci, Samuel 去尖沙咀鹿鳴春同Andy fairwell,雖然我們不常見面,每次坐在一起都能坦誠對話,有時呻吓笑吓,總期待下次再聚,席間談起昔日合作時的日子,真有點唏噓,離開時外面下着雨,令這離愁更添淒美!

橫綱

日期：2008-01-25 01:16

好一段日子無去橫綱食拉麵,今日睇電視講日本拉麵店,好想食,特登去油麻地食,今日凍左好多,食返碗熱辣辣既麵,好warm! 食完麵去左玉器市場行左轉,都無乜特別,都好靜吓!

之後响旺角行左陣,見西洋菜街有人在嗌交,平時放左好多相同牌個度呢,好似寫住d乜野反中共咁既,可能有d激進既人,整跌晒d牌,好多人圍住睇,我望一望就走,又去許留山飲野,唔知點解今日有八折?

買鞋

網誌日期：2008-01-20 22:32

一路想買對平底鞋同高跟鞋,睇左幾次都睇唔啱,今日本來想睇戲,但係買唔到飛,就去左睇鞋,試左幾對都唔啱心水或都唔啱size,試到都唔好意思,諗住走,又响門口見到幾款幾鐘意,就試埋佢,唔啱就算,點知啱晒,就買晒2對,咁樣一試就2個鐘喇!

行到好累,返到屋企又頭痛,仲想嘔..........真係辛苦命,放親假都病病地!

Blythe

網誌日期：2008-01-20 01:01

前幾日响朗豪坊見到set up 左Blythe既展覽品,當時未入得去,今日去睇左,本身唔係佢fans,不過每個女孩小時候都會玩洋娃娃公仔,我細個時去婆婆屋企,見佢樓下有間鋪做公仔衫,果時好鐘意,好想成日同個公仔換唔同既衫,依家d人玩Blythe係會自己做埋衫比佢,真係好投入,今日睇果d衫仔好靚好有心思,果張白色底士多啤梨花裙既Blythe(第2張),令我諗起我姨甥女!我最鐘意藍色嗰套(第1張),好仔細同好華麗.

Stick Stick

網誌日期：2008-01-19 01:37

今日約左姊姊去街,先去MegaBox,我在九龍灣地鐵站見到Stick stick,其實好耐之前在Sogo的beard papa 開始賣,那時沒有這麽多款,只有tiramisu和cheese味道,我見它有很多款,心想不知姊姊有沒有吃過,便買了幾款一起試試,我選了芒果,甜薯和蘋果,芒果味道一般,甜薯吃不到薯味,蘋果有點苦,餅底是cheese cake味道還可以的.我地去Spotlight行左陣,响入面間Starbucks飲野,我買左張Starbucks咭,個樣幾靚.



行完MegaBox再去銅鑼灣,可能放工時間好塞車,由九龍灣去銅鑼灣足足一個鐘,我地去Sogo睇化妝品,見Chanel個新系列,姊姊喜歡唇色,我喜歡眼影色,不過實物同張相都差好遠,佢想買支唇膏,但係無人得閒理我地,所以無買到,我就攞左2張coupon去shiseido換左2份新唇膏sample!





跟住去左4樓間UCC食飯,食完飯坐地鐵返屋企途中好胃痛,諗住去旺角落車轉的士,但係行緊去的士站果陣又無事,仲好肚餓tim!!我又好想食碗又熱又辣既麵!!!去左食雲南米線,就係佢啦!最近成日想食熱辣湯麵,原來係想食佢!

和民

網誌日期：2008-01-19 01:19

尋日去左剪髮,剪完髮約左Suki同Herman食飯,我地去左始創嗰間和民,我都係第一次去,d野食都唔算貴,食物份量啱啱好,同Herman傾開先知佢去左金鐘,而Rita都返左香港仔,可能阿馬馬都有d部處啦!

食完飯叫左甜品食,Herman話唔食唔食又叫左綠茶雪糕食,我叫左個芒果豆腐布丁,幾好味幾滑!
食完飯我地去左潮流特區行,去左睇銀器首飾,Suki想買個吊咀送比佢個肥仔,睇左好多都唔啱,反而自己買左介指,我就買左兩隻耳環,其中一隻係dream catcher呢!

突破青年村

網誌日期：2008-01-16 22:57

今日去左突破青年村做training,果度環境都幾好,風凉水冷,空氣清新!我四圍影吓相,Samuel全程坐响我隔離,成日好多怨言,我叫佢算啦,今日黎呢度係要brain storm呀!

食完晏勁眼瞓,仲要睇slide.....好辛苦先等到夠鐘走人,同左阿雯阿天佢地成班去左沙田食野,走果陣Yuki 打比亞天,佢地講講吓嗌交!!!!呢頭求婚,果頭嗌交,我話佢响我地面前"震夫剛"!

夜晚好想食碗又熱又辣既麵,諗起小巴站附近有間川菜館,最好係食番碗擔擔麵,正呀!呢兩日好凍,真係要好好地瞓番覺!

剪髮

今日終於的起心肝去剪髮,之前染既紅色變左啡啡黃黄,頭髮兩截色,都忍左好耐,因為想留長d,今次堅决唔染,因為染完d髮質差左,我電髮+剪髮+color treatment,搞左四個鐘好眼瞓zzzzzzzzz整完個藍色color treatment之後,個色好黑,好似立即變黑又得,得左!

睇唔慣好似假髮咁!

EXP

終於約到亞孫食飯,送埋份買左成個禮拜既禮物比呢個壽星女,希望佢鐘意啦!

我地去左EXP食飯,我叫左個海鮮喇沙玻璃麵,個樣唔OK,不過入面原來都幾多餸,d 麵好似瀨粉但係方方地型透明既,都幾好味,又叫左客蒜蓉雞翼,同埋麥蕎麵,我叫左一杯三莓莓,係三種berry, rasberry, strawberry & blue berry 既果汁,都成年無黎過食野.

食完飯去Franc Franc 行吓,d 佈置好有氣氛,d 聖誕樹好靚,跟住去左Haagen-Dazs 食左個丹麥筒,食左都唔覺凍.,今日凍左好多,當堂d皮膚乾左好多,要買返d强d既cream先得!

燈亮了

晚上經過又一城,見聖誕樹的燈亮了,大概在試燈吧!回想去年,同樣的地點,同樣的晚上,同樣的試燈,彷彿是昨日的事,我在回想過去一年發生的事,有喜有哀,我不會覺得有甚麽不幸,只是沒那麽幸運吧!曾經看過一篇文章,每當我感到憂慮不安時,都會看看它來鼓勵自己:

> >> 有每夜和我搶棉被的伴侶,

> >> 因為那表示他/她不是和別人在一起.

> >> 有只會看電視而不洗碗的青少年,

> >> 因為那表示他/她乖乖在家而不是留連在外.

> >> 我繳的稅, 因為那表示我有工作.

> >> 衣服越來越緊, 那表示我吃的很好.

> >> 有陰影陪伴我的勞動, 那表示我在明亮的陽光下.

> >> 有待修整的草地, 待清理的窗戶, 和待修理的排水溝,

> >> 那表示我有個家.

> >> 有各樣對政府不滿的抱怨, 因為那表示我們有言論自由.

> >> 能找到最遠的那個停車位, 因為那表示我還能走路,

> >> 且還有幸能有輛車.

> >> 有巨額的電費帳單, 因為那表示我冷氣吹的很爽.

> >> 教堂禮拜時我身後五音不全的女士,

> >> 因為那表示我還聽的到.

> >> 有一堆衣服要洗燙, 因為那表示我有衣服穿.

> >> 一天結束時的疲勞和肌肉酸痛,

> >> 因為那表示我有拼命工作的能力.

> >> 一大早響起的鬧鐘, 因為那表示我還活著.

> >> 最後, 感恩過量的電子郵件,

> >> 因為那表示有許多朋友會想到我.

> >> 把這個轉寄給你關心的人. 當你覺得人生很糟,

> >> 就再看一遍吧!!!!

又去飲

今日係Jacky 結婚既好日子,雖然去到都無幾多個相熟既朋友,不過見到佢咁幸福,娶到個又靚又純品的老婆,真替他感到開心,祝他們幸福快樂!

新娘子是個學校的教師,看起來是個善良的人,見她的朋友都是斯斯文文的人,她還邀請了學校的朋友為她的婚宴奏樂,我不知那樂器叫甚麼,平常在電視見到都是政府的銀樂隊才會見到,感覺氣氛很莊嚴,有氣勢,難得他全套服装來,加上兩旁姊妹的花炮好"勁",大大聲彈到水晶燈處,大家都給嚇了一嚇,亦感到很過程很隆重.

到他們切完餅後Jacky拿着咪說,要多謝家人,新娘在多謝家人之餘,亦多謝了同學和朋友,Jacky 話太太多謝咁多人,自己都要講多d,之後新娘又話要再講多過佢,好攪笑!

食食吓 Michael 走咪黎兩次同我傾計,大概他和我一樣,沒有幾個相熟的,最熟都算係我同佢,佢話揾唔到阿天,問我知唔知佢去左邊?我想話"你無佢電話咩?"

煲仔飯

今日本來約左嘉嘉佢地同亞孫食飯,點知個個都話去唔到!放晒飛機!!依家改話下個禮拜先出來!

見今期飲食男女介紹煲仔飯,就去揾食啦!原本約左佢地去旺角,唯有去旺角嗰間試啦!去左廣華街嗰間明園,本書話佢地個土魷肉餅飯,個肉餅啖啖有土魷,d肉餅係人手刴,不過食落有少少失望,雖然肉餅食得出係真材實料,不過食唔到有幾啖土魷!Anyway 不過不失啦!食完都好暖,走嗰陣經過登打士街,有好多特別食店,有間賣新彊唔記得乜野族既烤餅定薄餅,又有泰國海南雞,等我下次去試吓個海南雞掂唔掂先!行行吓見到阿John Ip,無見一排佢髮線向上移左.....我問佢去邊佢話去捐血,本來想話一齊吖,但係我昨天才吃過止痛藥唔捐得!同佢傾左陣就走,呢排成日撞見朋友,前日見到Ronald 佢睇我唔到,跟住就撞見Allan同細倫........!

Agnes b DELICES

晚上頭痛得很,忍不到還是要吃止痛藥........吃了藥好了好多,還吃了一碗豬膶粥,今天去了Agnes b DELICES 買了些朱古力,這店在Gateway 的地下,以前好似係See's Candy,店裹地方小小,裝飾得不錯,還放了很多關於朱古力的書,還有售賣朱古力味的蠟燭!我買了一盒8粒裝有8種味道的,也可以有自選的散賣的朱古力,我見有幾個中學生在選購,只見她們的十隻手指都是立體花水晶甲!現在的學校也眞開放!回說那些朱古力,包裝很仔細,買2粒都有盒裝!我買的那盒附有一張簡介,其中比較特別的有薑汁牛奶朱古力,荔枝黑朱古力,柚子牛奶朱古力,檸檬薑黑朱古力,香片綠茶朱古力...........我很喜歡柚子牛奶朱古力,大概因為我很喜歡吃柚子吧!荔枝味吃起來有點苦,可能是黑朱古力的關係吧!只是那種苦味又有別於黑朱古力的苦味!而朱古力的質素與Godiva差不多,比Godiva少甜,好味!

Konditorei Gute

今日本來想去銅鑼灣,最後改變主意去左尖沙咀,第一站係醫肚,去左City Super ,平時多數食日式拉麵,但係想食吓其它野,行入d嗰間南京路,好似未食過,見有醉雞(賣飛佛!)就叫左客配擔擔麵和豆漿,d雞都唔錯,佢比左雞上脾比我,酒味幾濃,個麵就差d,麵條"腍"左d,嗰湯唔辣唔夠香,豆漿甜左dd.

以前嗰間麵包鋪變左另一間叫做Littel Mermaid 的麵包店,還有一個賣蛋糕的corner 叫做
Konditorei Gute,近日多似多左呢類蛋糕店,我叫了一個檸檬批,有點像LGB的那款,只是附帶的膠义太"軟"了,切不開批邊!!!還斷了!!!!當然,吃到口裡不是很硬的,中間的檸檬餡好清香,下次可以試吓其它款.

食完野去左睇聖誕裝飾,今年不大特別,感覺無咁"Warm",無咁"期待"!

熱鬧婚宴

17/11/2007

今日係Jason同Paula結婚既好日子,我地成班約埋一齊去飲,佢地响尖東既潮州城擺酒,新娘好靚,佢用左好多時間預備,安排得很好,酒菜都好好,隻乳豬好多肉,個翅好靚,Ｄ翅都係一塊塊既,好好味.
玩新人時間,個MC阿Ken講野時d人反應不大,我地嗰枱就大聲嘈,最好笑係玩遊戲時,阿Ken話要鬥快攞一對鞋,一條鍊同一副眼鏡出去就有十二封利是,阿Rainbow同Ivan,嘉明三個最快,點知阿Ken將嘉明對鞋掟比我地玩,我地掟來掟去玩一餐,跟住收埋左一隻,係都唔比返佢,到散席時我地都唔理佢,佢捉住我地好緊張咁問,我地要佢比錢先肯話比佢聽响邊,玩到成身汗,好好笑!我都未試過去飲玩得咁癲!

今朝經過又一城,見聖誕樹已整到七七八八,今年佢地終於放棄商標嗰條紅絲帶,今年都好白雪雪,睇個勢會提早做promotion咁.