六度廸士尼

辛苦左個幾禮拜,總於可以鬆一口氣,係時候relax吓!

前天一行五人,亞孫,亞偉同佢家姐老婆,去廸士尼玩!!!我第六次去啦!一早入左走,入場人數係我咁多次最少人一次,完全唔使攞 fastpass, 幾乎唔使點排隊!! 以前最多人玩既space mountain 同winnie the pooh唔使排隊,最多人當然係新既馳車天地同幸會史廸仔,不過都好快排到.

天氣唔算好熱,不過好曬,好在我醒目帶左把遮,見到d卡通人物覺得佢地好辛苦,熱死!

新加既海盜王唔係太特別,只係有兩個人扮成 Jack 既做型同人影相,如果早幾日去就有可能會見到周潤發tim.

我買左2隻水杯比媽咪,上面刻左我個名,有埋米奇同米妮做型响杯身,都幾可愛,送比媽咪做母親節禮物!

病、倦、累!

上星期傷風咳了好幾天......晚上睡覺老是在咳! 睡得不多,又流鼻水,頭痛.......加上這幾天公事繁忙.....比老細係咁"her"住.....無晒精神......只有一個字可以形容..........."謝"!!!!!

這兩天好了好多,開始有返d活動,昨天買了牛扒和一款叫"soup sense"的杯湯,應該是每天鮮制的,見保鮮期只有兩天,我選了一個 Southwestern corn and tomato soup,無MSG,無防腐劑,味道唔錯,所以賣$40/400ml.

跟住去屈臣氏買潔面產品,有幾個想試的牌子, Vichy, Aqua label 和Kose,最後選了近期口碑不錯的Aqua label ,此牌子是Shisedo的副線,價錢便宜,便買了make up remover 和 foam wash, make up remover 原來是乳狀,不是油,我誤會了,不過都試吓啦!

晚上在Ok見到新登場的小食jelly, 有5款味道,我選了芝麻和荔枝西柚,放左入雪櫃,明天試試好唔好味先!那芝麻味的包裝,好有黑白相feel!

D.A頂級安格斯肉眼扒

上星期見到新假期的副刋講"牛の特集"即刻買本睇睇,裏面介紹了近期有港商引入的D.A (Dry aged)處理技術,不太記得詳細資料,大概是一個類似雪櫃的肉櫃,調校到指定的温度濕度和風速,存放大概十多天,它的外表看來乾乾地,黑黑地,但係能保持豐富肉汁和味道,大概是某些化學作用吧!這種D.A牛扒在Landmark 的Three Sixty 有得賣,此外,在灣仔三里屯Mr. Steak 有得食!!!!我同Ronald睇完都好想試,我地想約左昨晚去試,我打電話去訂枱,個waiter問我係咪訂灣仔嗰間,我話有第二間咩?佢話响銅鑼灣有一間不過主要係食buffet,唯有去灣仔,反正我未去過三里屯,雖然唔係咁就腳.

我地坐地鐵去,都行好遠先到,去到見三里屯嗰度雖然係星期日都唔係咁旺,去到Mr.Steak裏面都坐左九成客,個waitress滿頭大汗,滿面通紅,好似好忙,我地响門口睇過Menu,見到一個XX三重奏牛扒(唔記得名!)有齊三種佢地特式牛扒,有D.A西冷扒,M10和牛扒,同埋唔記得乜野千層扒(大概係幾種唔同既牛扒切片叠成),我定决定叫一客D.A頂級安格斯肉眼扒($398)同三重奏($449)share!同餐廳細細地,掛左好相,有d五六十年代荷李活feel,落order時Ronald話想食生d,我地叫medium,我好少食咁生!都即管試吓,上菜好慢等左好耐,我地一人飲左一支啤酒先有得食,個waiter將牛扒放响枱之後,就介紹一下,(我見塊扒面頭有d血水,驚驚地!)佢話D.A扒下面有一小塊同等級數但係未經D.A處理既牛扒,佢話等我地可以比較到個分別,都好細心喎!我急不及待,先試D.A扒,一入口.................................好juicy ! 肉味好濃,夾集着外層的燒焦味....................係我食過最好味既牛扒!!!!!再食那一小塊牛扒.......................嘩嘩嘩!!!!...............相差好遠呢,那一小塊雖然是同等級數,同我之前食過已經覺得好好味既靚牛扒差不多,但這個D.A真係好味得多,至於那三重奏,只有D.A西泠有得fight,但係無肉眼咁淋,如果喜歡吃牛扒,就一定要試!食左半塊唔夠喉呀!!!!!!!!!!

D.A肉眼扒,下面有一小塊!

三重奏!!!給比下去了!!!

甜甜壽宴

晚上去了姨甥女的5歲壽宴,其實只是一家人吃餐晚飯,去了美孚的桃源,訂了一間房,只有十個人,媽媽見我染了髮,摸摸我的頭話我咁有型tim!!!!!!!我這大頭蝦姨姨,把生日禮物留了在家忘記帶去,我告訴她我買了禮物給她,叫她估我買了甚麽,她估是食物和玩具,我說不是,她叫我明天拿給她,我話唔得閒,下次先啦!早知跟姊姊一樣封利是給她,我也真太大懵了!

晚飯有鮑魚,侍應送上楊桃檸檬汁,她說吃鮑魚前喝,可清清味蕾,鮑魚會好味些,我也不肯定有否幫助,不過味道不錯,吃完主菜當然是甜品,今天的甜品很豐富,先來了熱辣辣的壽包,樣子很可愛,姨甥女最喜歡吃皮,當她吃完皮見到裏面的蛋黃油流出來,她大叫"媽咪,佢漏水呀!"引得我們哈哈笑,吃完壽包,還有桂花榚,杏仁茶和水果,當然少不了生日蛋糕,姊姊做了一個很漂亮的立體蛋糕,是米妮穿着一條大圓裙,米妮上半身是塑膠公仔,比Barbie大小小,下身大圓裙是鋪滿士多啤梨的半圓型蛋糕,蛋糕裹是各種berry,很漂亮和好味,只是蛋糕坐了長途車後溶溶地,d士多啤梨甩左d出黎,上面d忌廉ball ball甩左好多,所以無影相,真可惜.

美甲

昨天行街時見到些美甲產品,試了很多色,最後買了三個色,和一些貼紙,自己回家整,雖然是幾拾圓的貨品,買吓買吓都幾佰元!自己的指甲好易斷,尤期塗完甲油之後,所以要好小心保護,好多時都係整兩三隻手指,而且隻隻手指貼花要有d唔同款先覺得好睇.

杯湯

上次响超市見到這款像杯麵一樣包裝的湯,我叫它杯湯,有三款味道,我選了有菜的忌廉湯和較穩陣的粟米湯,尚有一款蜆湯沒有買,價錢也不便宜,要$14.9一杯,杯內水位指示在中央,即半杯多一點,裏面有些麵包乾,浸完水發漲了味道不錯!

晚飯去了Pokka食,我地叫了提子蘆薈果汁冰,韓式石窩飯,特色飯團,一口牛肉,意粉同鳥冬,食得好飽呀!

Highlight

今天的天氣很好,下午天朗氣清,在車站等車時好曬,我拍了張自己的倒影照片,差點miss了架車.

去了媽媽的家喝湯,喝完去了剪髮,Elsie老是叫我做highlight,便試試看,還是第一次做highlight,出來的效果比預期紅,她說落些髮臘會淡色些,但似乎不是!唯有等佢洗多幾次淡色些吧!

剪完髮去左Harbour city, 想去City super食拉麵,但係勁多人,唯有去最少人既Ocean terminal, 唔知點解今日成個商場都好靜,無乜人,我又去Fuzion度食飯,叫左茄醬鮮蝦燴飯,都幾好味!商場成層都裝修緊,呢個商場硬係做唔起SportX呢層,可能改做Food X 或者Beauty X會好d!!是關Faces好似唔夠位咁!而LV又擴充緊,新港中心又大幅裝修,遲d應該有一番新景象.

燒牛肉稻庭冷烏冬

這幾天人很疲累,回家倒頭便睡,還是熟睡....zzzzzzzz

昨天去了媽媽的家喝湯,然後去了尖沙咀買洗頭水,再去Town gas睇熱水炉,好貴耶!!最平要三千多元,還是不換了,晚上一家人去了吉之島的Pokka吃飯,我叫了一客燒牛肉稻庭冷烏冬,味道不錯,每次去吉之島,都覺得它很靜,沒有多少個客人,如果想靜靜地購物就最適合了.

今天開了個漫長的會議.....zzzzzzzzzzzz 好辛苦呀!亞坤放完大假回來,在日本買了Hello Kitty 燒餅給我,是東京限定版,好可愛,仲幾好食,只係豆沙餡甜了一點,想留幾個比姨甥女,不過就到期,可能到期前都見唔到佢!

買化妝品

家裏的化妝品已經用盡了,我堅持用光才買,以免貪新鮮買多了,早前已看過一些雜誌介紹,心目中有好幾個選擇,和Suen一起去商場睇,先去了Armani睇新嗰隻 base,個sales介紹埋隻防曬底霜,試上手有點閃令令,亦很清爽,只是那個base沒有貨,先買了防曬底霜,過幾天才去取,還欠粉底液,先去了Shisedo試新的那款粉餅,試上手感覺厚了點,可能用慣粉底液,平時用的Laura Mercier是較薄貼的,所以不大喜歡粉餅,而且店裏很多人,便轉了去Bobbie Brown,一直對這品牌有信心,用開它的concealer,很好用,粉底卻太大瓶,所以沒有用,現在新的那些細瓶一點,便買來試試,那sales哥哥替我塗在面上試了兩隻色,效果都很自然,我買了淺一個tone的color,之後去了超市買了一堆零食和車厘茄,那些車厘茄圓圓的很可愛呢!

燒腩仔

前晚成班再去容記食燒腩仔,預早訂左2碟,大家都估估吓,究竟點可以翻熱燒肉仍可保持皮脆肉軟腍,仍然保持水準,另外再叫了條青班兩食,炒片和蒸頭腩,好好味,其它小菜就麻麻地,尤其係送比我地嗰兩隻炸乳鴿,席間大家都喝了很多啤酒,食完成晚响度講笑同影相,d男仔個個飲多兩杯就乜野衰樣都出晒黎,好好笑

零食車仔檔

今天在尖沙咀見到這種舊式的零食車,我以為不會再有這些車仔檔,因為大家買這類乾果零食都會去優の良品或么鳳度買,我買甘草檸檬和無花果條.

之後去了Ocean Terminal, 那處正做裝修工程,很多商店都不見了,我去了上次和姊姊去的那間小店食野,我選了老虎蝦茄醬闊條麵,那些蝦雖然大隻,但絕對不是老虎蝦,那些闊條麵話係自家手打的,味道不錯,還要了一杯杧果香蕉smoothie, 好酸的杧果呢!




走的時候買了美珍香的肉亁,明天和同事們share!

有機牛肉炒春菊菜/露筍

一連兩天買了澳洲有機牛肉來炒菜,(不知有機牛肉是否指來自用有機飼料來飼養的牛呢?)昨天買了那些沒有吃過的有機春菊菜來炒,牛肉很好味,可是菜不好吃,味道像極唐蒿了,大概應用來打邊炉.

今天用同一種牛肉配露筍,很好味呢!還買了榴槤,昨天見到blog友post的榴槤相片,已經很想吃,今天在超市見到便買來吃,還有西瓜,有點熱氣,先雪凍留待明天才吃,原先想買香蕉,但係好"生",所以沒有買.

像唐蒿的春菊菜,味道麻麻!

牛肉像甜品一樣裝飾上露筍!!just for fun !!!!!!

金枕頭, おいしい !!!!!

西瓜像太陽!sweet!

澳洲穀飼豬肉炒有機油麥菜

這陣子常常要OT,都沒有時間煮食,今晚好想炒菜食,去超市睇吓有冇d有機蔬菜,選擇不多,只有油麥菜,唐生菜和一種叫春菜的,因為沒有吃過,不知味道如何,還是選了油麥菜,原先想用牛肉炒,但一pack pack的牛肉較大包和貴,見有一包叫做澳洲穀飼一口豬扒,細細片,不太貴,便買來試試,不知應否像豬扒一樣要先拍鬆它,我還是懶得做,只是調味便煎,味道不錯,肉質也很鬆軟 (可能是我煮得好吧! 哈哈哈哈!!!!!!!),那些有機油麥菜好像比平時那些好味一點,可能是沒有農药的關係吧!以後都買有機蔬菜吃,相信會較健康些!

糖

昨晚同阿孫買左d夾糖,見到這個糖,好攪笑,尤其係啡色既朱古力味,佢揀左士多啤梨味,我揀香蕉味,波子氣水味同朱古力味,咖啡味就比佢地,聽日試吓好唔好食先!

Mos Burger

一直想去試這牌子的burger,只是見到那條人龍便放棄,今天終於試了.

晚上原本想同阿孫去看ghost rider,但係去到朗豪坊都成八點,開左場,又唔想睇九點半咁夜,就放棄左,响商場行左一陣,見Mos burger無人排隊,我地都未食過,咪去試吓,我同佢都選左有cheese既burger,都幾好味,d飽熱熱地有d脆,d cheese溶左,連埋茄汁流晒出黎落個紙袋度,直情食少左一半芝士,而且d芝士我覺得淡左d(因為我鍾意濃味d)塊蕃茄好大片,可能食慣老麥,覺得呢間fresh d 好味d.

食完野响旺角行左一陣,去左玩扭蛋,見到有迷你NDS手機繩,但係無晒,我扭到史廸仔同星座kitty,兩款都係我想要既,yeah!!!!

戰狼300

看報紙的電影介紹說這套戰狼300的拍攝手法有很强的視覺效果,又將它與魔戒比較,所以去看了這電影,聽說電影主要是在厰房拍攝然後在電腦加入效果的,一如魔戒般影像灰灰黑黑,一班男角都練得一身肌肉,男主角演的國王,奮勇善戰,帶領300壯士對抗千萬敵軍,令我想起現實生活中,我們的國王(老細!!)是怎樣帶領我們在職場上作戰呢?片中一些埋身撕殺的場面真的很震撼人心,我看得很緊張呢!

看電影前見書店正在做八五折,便買了本旅遊書,早前看雪影移城見到介紹北海道,好想再去一次,見這書是07版內容較update,而且之前買過同一系列的東京版本,帶去自由行時很有用,所以買定先,我打算明年才會去旅行,依家開始睇定,再上網揾定料都差不多了!

Amaroni's little Italy

今日約左亞Suen同Ronald一齊食飯,原本想去雪村,點知要六點先開,想去板前又勁多人,諗住去八月花試吓,又係要六點!最後去左Amaroni's little Italy,呢間餐廳我去過好多次,但係佢地未去過,見有位咪去囉,我都好鍾意果度d裝飾,幾romantic,我地叫左一個青口,蒜蓉菠菜磨菇,海鮮意粉同埋露絲瑪利雞,Ronald問使唔使加大,我話千祈唔好,我知佢地d菜好大碟,頭盤同side dish會細d,我都驚食唔曬.

d菜黎到見倒好大碟,連side dish都比以前大碟左,我地好努力咁食,先剩返半碟意粉同埋一件雞,飽到唔識行,原本想影個碟好大又好味既青口,不過燈光太暗,我又唔好意思用閃燈,所以無影相.

食完飯响下面見到商場有個名為Tast the world既promotion,有個厨師响度整朱古力,我見有好多朱古力磚,佢不斷將d朱古力塗响個大圓圈度,見佢滿頭大汗,又整左好耐,睇左一陣就無睇.

微波爐蛋糕

昨天買的韓國食品中,有一個朱古力味的微波爐蛋糕,做法是先在碗內打一隻雞蛋,不知是否像平時做蛋糕一樣要打很久,微波爐食品不會這樣複雜吧,我只打了一會,便加入麵粉包和入爐朱古力,然後放入微波爐內叮1分20秒便完成,味道OK啦,質地比較鬆,想自己親手做個小蛋糕玩吓都好方便,還有士多啤梨味和雲尼嗱味,賣$9.9是貴了點!

韓國食品節

今天約左亞坤和亞孫食晏,去左板前食壽司,叫左我哋最鍾意既燒鵝肝壽司,好味,不過要少食,因為高膽固醇!同亞坤傾開佢下個月去日本玩,佢地一行6人去,一定好好玩,佢話諗住joint團去,我强烈建議佢自由行,可能自己兩種都試過,跟團就主要係觀光無咁自由,而我比較喜歡那種去"闖"的感覺!何妨佢都係諗住shopping為主.

之後去Taste見到做緊韓國食品節,好多零食呀,飲品呀咁,我買左蔘雞湯,薯仔豬肉湯麵,辣烏東,八瓜魚脆片,甜薯仔條,甘薯蜜糖脆條,柚子蜜,濟洲橙汁,五穀米槳..............好重呀!

容記小菜王

昨晚一行廿多人去左深水埗容記小菜王宵夜,那處的燒腩仔很出名,預早訂了4碟和2隻盬焗雞,個碟燒腩仔真係好好味,一點都不肥,還未來得切拍照,幾乎給大家夾清,還有一個鐵板串燒XX豬肉(唔記得個名!)好香,不過味道一般!其他小菜也沒甚麽特別!我發現佢地响天花板貼滿放雞蛋的紙托,唔知係咪可隔音呢!

吃得差不多時,忽然大家都起哄要亞民喝酒!原先想叫他飲一杯,卻愈來愈多,大家情緒高漲,我還不停拍照,最好笑係成班好似林海峰上身,一時成班擺可愛教主post,一時擺五虎post,最後迫嘉明同亞孫影情侶合照,個個笑到停唔倒,學林海峰話齋"超低能,勁攪笑"!