Moo Moo

呢幾日好熱，今日去呢間餐廳可能都揀錯咗，因為佢半露天，雖然已經坐入面，但係都係唔夠冷氣！

我地叫咗兩個lunch set，一個係牛扒，另一個係魚柳包，今餐有個餐湯係蘑菇湯，食物質素一般，店入面亦都冇乜客，咁就可以慢慢坐慢慢傾！

 

狂野時速10 Fast & Furious 10

 Dominic 的團隊去羅馬，幫特工局阻截一班運送計算機晶片的人，奪回，Dominic 和妻子留在老家照顧兒子，但原來一齊是一個圈套，目的係要Dominic 去救人，而想要攪佢地嘅人，原來係12年前巴西毒梟個仔Dante，要為父親報仇…….!

套戲已經嚟到第十集，係唔係一個終結呢？都係未知之數，成套戲都冇冷場，由頭到尾都係超誇張飛車、爆炸，所以佢做咗咁多集都唔會冇人睇，好多人就係鍾意睇佢啲誇張嘅飛車特技！🤣 Jason Momoa 做奸角都做得幾好！

Amplifier Restaurant

好友生日，一行六人去食西餐，預訂咗斧頭扒，呢度有live music，雖然只有一個歌手，同埋只係唱咗幾首歌，不過都算係咁，可能冇人唱歌，仲可以靜靜地傾吓偈 🤣🤣

我哋叫咗個斧頭扒🥩，沙律🥗、湯、小食拼盤、雞翼、青口、豬肋骨、兩款意粉，仲有嗌咗D飲品🍹🍸🥂！仲有甜品🍮同埋蛋糕🎂

傾咗成晚，足足食咗成三個鐘，今次唔齊人，因為其中一個好朋友要去上堂學術數，所以好忙，成日都好難約到佢，所以唯有睇吓幾時佢冇咁忙先再一齊食飯啦！

 

遇見你 Encounter

睇完戲約咗好友去食飯，去咗呢間開咗唔係好耐嘅餐廳，店入面大概有八張枱左右，今晚餐廳入面唔多人，大概有三、四枱客，一路都見到有D人喺門口外面經過，都會停低睇餐牌，不過好多都冇選擇入嚟時，我哋沖涼鬼事呀叫咗羊扒、大蝦、烤雞，餐湯有蘑菇湯同龍蝦湯，沙律就係凱撒沙律，湯同沙律嘅味道都唔錯，大蝦略為乾左D，烤雞睇落似炆牛腩！不過雞肉煮得唔係好熟，所以有D位都冇食到，味道就麻麻，至於個羊扒，餐牌話係香草羊扒，但係食唔到有香草味，而且個羊扒係非常之生，我諗只有一成熟，所以都食唔到！

 

領洋水產

好友上網訂咗海膽，我就去土瓜灣呢間水產店度攞，呢間水產店都有其他海產賣，睇落都好新鮮，下次可以試吓！攞完海膽就會合好友一齊食，好友就買咗包紫菜來伴海膽食，海膽嘅質素唔錯，價錢亦都唔貴，正！👍🏻抵食！😄😄

 

小魚仙 Little Mermaid

 

小魚仙對人類感到好奇，經常游到水面去睇，一次偶然機會下遇見王子Eric，並且將遇溺的他救了上岸，Eric 一直希望尋找她的下落，另一方面小魚仙在海底世界，因為對人類的好奇而令父親不滿，而她的姑姑烏蘇拉，乘虛而入，誘騙小魚仙用她的聲音，去換取變成人類…….!

我諗呢套戲嘅故事，大家都好熟悉，而最具爭議就係選角上嘅問題，我個人認為咩膚色都唔係好大問題，不過老實講女主角嘅演技就真係麻麻，可能佢一向都係歌手唔係演員，不過佢本身嘅性格應該係好似小魚仙，令人覺得佢好開心，好自信，我諗呢個都係導演選角嘅原因之一！而且歌佢係唱得好好！好多人抗拒由有色人種去演呢個角色，我諗係好多人都由細睇到大嘅小魚仙，主角都係白皮膚紅頭髮，顛覆咗好多人記憶中既有嘅形象吧！

Hoko farm

好友們去左鑽石山睇 Mario 卡通，我就 join 佢地一齊食晚飯，去附近間餐廳食，呢度主要食 pizza 意粉之類，今日食飯主要係傾吓大阪之旅嘅行程！ 主要傾吓去環球影城門票同 Fast pass 買邊種 pass，最後決定買 Fast pass 4 Minion ，因為好友男友鐘意 Minion 😅

 

2023年5月東京7天遊 Day 7 - 東京站

今日14:50 機，買左11:03 火車飛在東京站上車，由酒店行過去預大約10分鐘都夠，不過都預鬆D，先去尋晚見到在Midtown 地庫嘅根室花まる食壽司，佢開10:00 ，早咗10分鐘到，得我一個人喺度等，等等下亦都開始有其他人等！呢間係立食嘅壽司店，呢度大約有10至12個企位，搭正10:00一開門，已經有10個人，旁邊兩個位佢哋冇開，所以開始有人要等位！佢呢度落order係要人手寫食乜嘢，雖然佢大部份係日文，唔知佢寫乜，不過佢都有提供一個英文Menu俾我，佢有啲黑板寫咗今日有D咩推介，有好多係漢字，我求其寫咗幾款，食咗個拖羅覺得好食就叫佢加兩件，不過再加嗰D又冇咁肥美！😅匆匆忙忙食咗20分鐘就走，我去到火車站睇吓嘢，又買咗一個環保袋，貪佢可以當背囊🎒咁孭，仲要做緊promotion送多一個細嘅環保袋！

話咁快就有火車到站！要去機場喇！去到機場 T2 ，先磅下個行李有幾重，今次包23kg ，但我行李只係得 18 kg 😅 

機場嘅商店都陸續回復正常，當然仍然有少量空置左嘅店舖啦！見到D食店都開返晒， 不過我今朝食咗壽司，所以唔需要再食嘢，而一向最多人嗰間手信店都好多人，不過我就冇嘢啱，所以冇買到嘢，跟住就等上飛機！今次個閘口要落一層，之前未見過呢位！