Passion by Gerard Rubois

食完蟹，行去莊士敦道食 cake，呢間餅店的裝修很有歐洲感覺，門有一張小圓枱，兩張椅子，如果唔係對住馬路，這種天氣坐在室外也不錯，一推門進內，有些麵包售賣，是自取那種，牆上掛了個牌，寫着 "Passion." statement  Our natual sour dough baguettes are made with French flour, fernented, crafted and baked on-site. 相信這裏的招牌麵包就是這 baguettes，可是無緣一試，因為已售罄了！店的一邊是玻璃牆可望到街，有幾張兩人枱，另一邊是賣麵包，蛋糕，cup cake，macaron 等的櫃，再行入小小是售賣三文治和沙律，這邊有一張長長的高枱，可以坐約十人，當然是撘枱那種。

在餅櫃前看看有甚麼吸引，選擇算多，樣樣都想試，最後選了 Peach Danish ，Mango Mont Blanc (栗子)， Framboisier Raspberry croquant & mousse ，Trilogy Raspberry Gaanache Tart。當然少不了來杯咖啡！各款 cake 都是高質素的材料和製作，都好味道！

蟹膳

愛吃蟹，一直想試這家專賣蟹的蟹膳，在譚臣道近地鐵那邊找不到，原來在福臨門這邊，店門頗隱蔽，看不至裡面的情況，大門旁有個按掣，是電動門，一打開門，有一個大的水池，養了好多蟹，聽說在香港，很少有活鱈場蟹，一般只售賣已煮熟的雪藏蟹！

店裏的地方不算大，一入門口是 bar 枱位，裡面有些卡位，還有樓梯，可能上一層還有位吧！午市時間，bar 枱都坐滿了，人人都在 shabu shabu ，看看餐牌，大多是套餐，由$138至千多元一位，主菜的毛蟹或鱈場蟹一係 shabu shabu 或天婦羅，我們都不太喜好炸物，問店員可否將雪場蟹腳改為燒，店員問過後，可以改，這個 set 有蟹肉蒸蛋，生/ 燒蟹膏，免治蟹棒，燒鱈場蟹腳，凍毛蟹，雜菜盤，烏冬和甜品，先來蒸蛋，很滑，裡面有蟹肉，冬菇，銀杏，吃過蒸蛋後，是生蟹膏，店員說把蟹膏塗在青瓜片上吃，沒有吃過這種生蟹膏，啡色的蟹膏看來不太吸引！而且有丁點腥味，不過還可接受，跟住係蟹棒和燒蟹膏，蟹棒可沾生雞蛋吃，我覺得唔點生雞蛋好味D，除非蟹棒非常熱，可略為灼熟雞蛋，因為本身不喜歡吃生雞蛋！燒蟹膏塗了在兩片多士上，味道比生蟹膏好小小，之後是燒鱈場蟹腳，比想像中細隻，而且燒得乾了點，如果單點這個要 $320，不太値！吃了些生食物，想喝杯熱 Sake，餐牌上的 Sake 有不少選擇，但全都是 720 ml，太多了！只有一款是 180 ml的，就只好選這個，忘了牌子，但味道不錯，店員即席開瓶坐熱，這些 Bar 枱的設計就是方便照顧客人，店員做甚麼或介紹甚麼，都是面對面向着我們，我們邊喝 Sake 邊等候毛蟹，這時先煮 shabu shabu 雜菜盤和烏冬，等了不久，毛蟹做好了，蟹身的肉起了出來，蟹腳的殼也去了大半，方便人客輕輕一推，就可以整塊肉推出來吃，啖啖肉，好鮮甜！正 ~~~ 真想再吃多點，不過吃得很飽了，還要留點空間吃甜品呢！雖然這套餐有甜品是雪芭，但心目中是要去莊士敦道吃 cake !       

                                                                                        

                                                                             
                                                                             
                                                                                
                                                                           

寒戰 Cold War

行動組李Sir 和管理組的劉Sir，都是未來一哥接班人的人選，51歲的李Sir有多年前缐經驗，深受前線警員愛戴，而從來沒有前線經驗的劉Sir，憑其機智及才華，只有44歲已問鼎署長一職，正當現任署長正身處哥本哈根開會，在旺角西洋菜街發生爆炸案，同時，一輛衝鋒車突然失蹤，車上五個全武裝警員失蹤，包括李Sir兒子李俊朗，李Sir立即以處理署長身份展開拯救行動，行動代號寒戰，李Sir親自指揮行動，有違一向由地區指揮官指揮行動，劉Sir擔心李Sir受兒子影響，錯誤判斷和安排，於是聯同李Sir 助手一同以法理為由，要求李Sir 退出行動，李Sir 亦以其職權立即終止劉Sir 職務，兩人僵持下，署長來電要求劉Sir 指揮行動。劉Sir 跟據綁匪要求，將三仟萬贖金帶往指定地點交收......................行動中，劉 Sir 的好拍擋不幸殉職，其後眾警員獲救，正當各人準備追查贖金下落，ICAC 接獲舉報，指劉Sir與贖金有關，告密者接連提出多項高度機密資料，明顯對警方內部非常清楚，連李Sir 亦牽涉在內...!

已出左 trailer 好耐既呢套戲，強勁宣傳加上多位影帝，令人引頸以待，多場警方行動戲，上船救人，天橋鎗戰，追捕綁匪，天台爆煙花等都很緊湊，加上好好戲的梁家輝，都是很好的警匪片，但個人覺得故事略為單薄，早估到匪徒目標是該五仟萬，這樣處理大畢款項，未免太兒戲吧！伏線也太明顯吧！結局有小小出乎意料，明顯有下集！

Small Duffy

有幾天假期，知道 Halloween 之後尚未開始聖誕 promotion，還是想入園，看看沒有特別 promotion 的樂園！

又選擇下午三點後才入園，先去了旅行社訂機票酒店，再乘地鐵入園，今天遲了一點，入到去剛完了巡遊，看見入口已掛了聖誕裝飾，大街亦已放了聖誕樹，樹底的禮物盒裝飾，跟前兩年不同了，小鎮大街的商店也售賣聖誕精品，當中有一隻細的 Duffy，之前只有一款可以換衫的大 Duffy，可以有淨衣服售賣，之後，在情人節和復活節，出了一款細一點的中 size  Duffy ，身上有服飾，但服飾都縫在 Duffy 身上，因為沒有單賣的衣服，今次出了再細一點的小 Duffy ！size 跟背部有拉鏈的 Duffy 袋差不多，起初沒有留意這個size 是細隻了，影影吓相先發現佢係細隻左！連這款 Duffy 在內，在香港的迪士尼應該有一共六個 size 的 Duffy 公仔了，在日本沒有這款小 Duffy ，但有一款特大的 Duffy 和 Shellie May，一樣是六款！

在平日這種日子，人流不多，排隊的人不多，就試試坐巴士！從來沒有坐過這巴士，很多時候，繁忙的旺季的日子，這巴士都沒有行駛，所以一直沒有試過，今次一坐，就坐車頭！坐在車上往下望，感覺新奇！拍了照片和短片，車行駛到近樂園入口的火車站就落車，下次可試試另一架單層車！

The Food Academics

早前耀華街開了家 The Coffee Academics 現在加了這家 The Food Academics 是同一棵樓，也屬於 Habitu 同一公司，沒有去過 G/F 的 Coffee academics 先去1／F的 Food Academics ，在門口看見有 Tasting Menu ，有湯有前菜、主菜和甜品，最貴 $588 ，一心想試這 Tasting menu，但午巿只有 set lunch !

乘電梯上一層，一開門就有張梳化，旁邊有些櫃，像歐洲家居，帶點維多利亞式風格，加點摩登風格，架上有些香水之類的東西，應該是售賣的，沒有詳加細看，便進入餐廳，Semi-buffet lunch 有 buffet 沙律，三文魚和ham，當然多吃了點巴馬火腿，餐湯是忌廉田螺湯，螺肉不多，但有很多磨菇，味道不錯，主菜有幾個選擇，有煎魚，烤雞，Risotto，pasta 和素菜，我選了Risotto，這Risotto 用了鴨肉和煙肉，忌廉 sauce ，還加了一個生雞蛋黃，

味道也不錯，水準比 Habitu 好一點！至於咖啡，店員說這咖啡在評分上是取得91分的，喝起來咖啡的酸性較低，頗有好感的！

新鐵金剛 : 智破天凶城 Skyfall

占士邦007奉命到土耳其尋找一個被搶走的電腦硬碟，𥚃面有多名特工的身份資料，M要007繼續追捕搶走硬碟的人，即使見到一個受了重傷的特工，仍要放棄拯救他，007追捕至火車頂，兩人在火車頂打鬥，前來支援的女特工，奉命向兩人開鎗，在最後關頭，007中鎗，並墮下瀑布裡..........M 為007寫下訃聞，此時 MI6 總部被炸，M 的電腦被入侵，早前失去的硬碟資料由 M 的電腦發出，公開了五名特工的身份，令一名特工被處決，同時，首相安排了接班人 Mallory 與 M 會面，指她安排特工的工作過時，迫使她要早日退休，此時，007突然在 M 的家中出現，要求復工，他重傷後體能大不如前，他復工前要做體格評估，但明顯力有不逮，M 仍然說007僅僅合格而讓他覆工。007 從身上取出子彈碎片化驗，追查到搶走硬碟的人，為要查出主謀，他前往上海跟蹤他，待他完成刺殺行動後，與他打鬥，當他墮樓後，007從他的皮喼內找到一個澳門的籌碼，他帶同籌碼前往澳門，遇上主謀的女人，007要求見主謀，眾人乘船前往一個小島見主謀 Silva，007 成功用無線電求救，令 Silva 被捕，原來他是前 MI6 特工，當年他在中國，被禁錮五個月，受盡折磨，直至他想起一早收藏在牙齒的毒藥，決定服毒自殺，但他沒有死去，毒藥卻帶來嚴重的後遺症，他後來發現是 M 放棄救他，自此，他對 M 恨之入骨，所以要報復，正當 Q 拆解 Silva 的電腦密碼時， Silva 成功逃脫，更炸毀地鐵， Silva 一直要追殺 M，007 帶她前往兒時居住的地方 Skyfall ，這裡沒有先進的鎗械，只有古老的獵鎗，兩支火藥，和最原始的刀，他們在大宅守候， Silva 的人到來，他們用原始的方法控制了場面，但最終不敵 Silva 的炸彈，他們從地牢的通道前往附近的教堂，007 掉進了冰湖， Silva 追至教堂，要 M 一鎗打過兩人的頭部，同歸於盡，此時007趕至，用最原始武器殺了 Silva ，可惜 M 早已受傷........!

上一集的007量子殺機原來已是08年的事！相隔了四年， Daniel Craig仍然好型，只是老了點，演 Silva 的西班牙男星 Javier Bardem ，自他演 Country for Old Men 奪獎後，都有留意他，不過之後只睇過他和現任太太演的 Vicky Christina Barcelona ，跟住就係呢套，佢在戲中做型，染了一頭金髪，竟有點似詹瑞文！都幾攪笑！取代 M 的 Mallory 是演過別問我是誰、沉默的赤龍等的 Ralph Fiennes ，也看見他在多部電影出現過，但多數是配角！成套戲都好緊湊，打鬥、飛車、爆炸、鎗戰樣樣都有，睇 IMAX 有埋強勁音效，140分鐘好快就做完， yeah !

川燒

上次去石亭食完日本野，走既時候沿赫德道行，見到有幾家食肆，選定左下次去試，今日就試這家川燒！

呢度係食串燒，之前去過天后果間串串貢，仲有渡船角既龍蝦燒同重慶燒，今次呢間即裝修比較有點日式 style ，因為有好多日本酒，入面既枱凳都係木既，有點像居酒屋，不過有D食物都係川味或者麻辣，而且店名都有個川字，都係四川加日式吧！近門口有一幅玻璃，可以望到店員燒烤既情況，玻璃前面亦有四個 bar 枱位，我地坐近門口，同左右兩枱都好親近！餐牌上既食物選擇都好多，除左燒烤亦有些小食、冷盤、飯、烏冬等，有雖然酒類餐牌有好多選擇，但係其他飲品都係便利店果D樽裝飲品，實在揀唔落手，食燒烤如果有杯有冰既飲品就好喇！依家唯有飲水！

食物方面好多野都想食，但係今日唔太肚餓，我地點左冰鎮芥蘭，係呢度招牌菜，係將去左皮既芥蘭，煮熟左再用冰鎮住，點 wasabi 豉油，雖然好爽身，但係有點苦，可能未係季節，吧！串燒叫了日本青椒仔、牛舌、雞翼餃子、原條粟米、大虎𧎚、羊架、青瓜等，各樣食物都做得好，肉類好 juicy，個羊架好遲先上，好好味，個 sauce 都好夾，餃子雞翼外皮脆卜卜，裡面好多肉汁，牛舌燒得剛剛好，正！這裡的食物燒得好味，飲品就麻麻地，下次或者選擇飲酒吧！

香港美酒佳餚巡禮

一連四日既香港美酒佳餚巡禮開始左喇，第一次去呢種 event ，好期待呀，地點在西九龍海濱長廊，可以在九龍站步行前往，或者尖沙咀有免費 shuttle bus ，所以都係揀撘 shuttle bus，去到尖東站，在K出口有指示，一出地鐵口 U turn 去中間道，就見到有D旅巴上緊客，人龍好長，龍尾要在梳士巴利道入，近龍尾有個牌寫住等候時間約一小時，行到咁上下有個牌寫住45分鐘，跟住下一個30分鐘，見keep 住有三四架旅遊巴埋站，期實唔使咁耐，在 30分鐘果牌時，有兩間車等繄埋站，都可以上到第二架，不過去到九龍站附近已經塞車，見沿途好多人行過去，條路都好長，我諗由九龍站要行十五至廿分鐘，去到會場已經人山人海，單係售票處已經大排長龍，安排都幾亂，龍尾都唔知在邊度，都唔知會唔會打左尖！個地又多石，不過人龍都keep住行，好少停低，見 AE 咭專櫃竟然話故障，咁多人，想唔壞機都唔得，原本諗住尋日去尖沙咀碼頭買品酒券先，後來諗住入到嚟先買，點知咁多人，仲連二人同行既套票都賣晒！早知一早買左先入去！排左一輪，諗住買一set 尊尚品酒證同一 set 標準品酒證，每邊試少少，點知只係得標準品酒證！尊尚品酒證要在另一條隊買，或者入去尊尚區買，唯有買標準證試下先！隨品酒證送了一個酒杯，用來試酒，每次試飲要比一或兩張品酒券，一 set 有十張品酒券和美食券，亦可以一張張散買，每張$10，但要另買膠杯，我見好多人用膠杯，可能志在試酒吧！買完券可以入場喇！由排隊搭車到買品酒券，然後入得場，足足要近兩個鐘，唔知十點入黎仲有冇時間飲呢？

一入場就係波爾多區，對面有好幾檔食物銷售點，可能大家等得久了，餓極了，要立即買些吃的，每個食品攤位都排晒隊！先買了鮑魚仔和燒雞翼吃，雞翼好香但凍了，味道還可以，鮑魚好細粒，但也入味！打了底，才去品酒，老實說，不懂品酒，只想看看有沒有些易入口，甜甜地既酒可以試下，現場實在有太多酒可選擇了，不知試那種好，仲要個個 booth 都好多人，有D酒商各出奇謀，攪下氣氛，吸引人埋去，對酒既認識好少，所以求其見多人試又試下，飲下酒又食下野，氣氛好熱鬧，雖然好迫人，但係都好開心，在意大利酒區有好多野食，有D廚師即場煮食，同埋點少得食下火腿？雖然食慣西班牙火腿，都試下意大利火腿，佢冇西班牙火腿咁油潤同埋冇咁好味，不過價錢平，另一個酒商都有 Iberico 賣，亦有試食，20個月既 Iberico 價錢當然平一點，店員大嗌最後一個鐘優惠，才發現已經十一點了，只行了半個場，還有尊尚區和甜品天地未去！仲有今日係西班牙之夜，都未去睇 ........ 唔夠時間，我諗如果一早在碼頭買定品酒券，再撘 shuttle bus 入去，應該係最快唔使排咁耐隊 ！

走既時候都幾亂，等 shuttle bus 條龍好長，又搵唔到邊度撘的士！所以行去九龍站轉的士，行到去九龍站附近果段路幾危險，係回旋處，D人飲左酒，要好小心睇車，去到的士站又係大排長龍，等左好耐都冇的士，等左大半個鐘先上到車，在車上聽到 call 台不斷有 call 車，九龍站往 XX ，但係通通冇回應！我諗呢幾日冇乜野都唔好去呢邊！終於要一點先返到屋企！

南小館

 近期都好少去九龍灣，呢日要就 Little Daniel 不可以去太遠地方，所以去呢度食飯，原本想去 Italian Tomato ，但係呢度主要食 cake ，所以改了去這家南小館，是吃新潮上海菜，門口有一架白色單車，營做了點點法式情懷，餐牌上的甜品也影得精緻，不過坐下來又是一般菜館無異，枱與枱之間有點迫，人聲嘈雜，店員忙於來來回回上菜，我們叫了生煎包、醉雞、花菇素包、小黄魚、豆漿勝瓜、四季豆、麵、炒飯等，每款菜式的份量很細，味道 OK! 地方不太方便照顧嬰孩，我們只坐了不太久，便要走了，甜品也沒有吃，原本打算食完飯去美酒巡禮，但太夜了，改天再去吧!

大閘蟹

又到食大閘蟹既日子喇！舊年去鴻星食，今年都係，同樣去彌敦道果間，好多人，見呢度裝修過，不過仍然好迫，我地訂左枱，都要等一陣，不過都好快，我地八個人，有兩個唔食蟹，所以叫個六人餐，都有十八隻，仲有D小菜，基本上枱枱都係食蟹，個餐每人有兩隻公一隻，每隻大約3-4兩，蟹好多膏，蟹公就少好多，仲細隻D同冇咁靚添，一向佢地D蟹都OK既，不過可能太多人，侍應太少，成晚D侍應同傳菜都好忙亂，大部份唔知D枱號邊張係幾號，又漏單，好似得兩個侍應咁！我地第一碟果六隻蟹凍左，好似搵唔到邊枱叫，擺左一陣先比人咁，第二碟一次過上十二隻，雖然夠熱，但係食得嚟都凍晒！我地果枱上左甜品先至上翅！食完翅先發現仲漏左條魚未上！！

草蜢森巴大戰軟硬 Fans 演唱會

食飽飯在銅鑼灣行左一陣，然後撘巴士去紅館睇草蜢森巴大戰軟硬 Fans 啦！

都係早兩星期先至撲到兩張飛，好開心呀！個位都唔算遠，比影相出黎近好多，今日都係遲左開場，一開場有一大班七八十年代經典人物做型的 dancer 跳舞，有老夫子、大蕃薯、林亞珍、徐小鳳、李小龍、梅艷芳等等，然後草蜢同軟硬佢地輪流從台下升起，連續唱左幾首快歌，氣氛高漲，嗌到聲都沙埋！跟住停落黎傾下計，有林海峰講野，當然係好好笑，跟住佢地就講佢地會大戰五個回合，以觀眾的歡呼聲同掌聲既分貝計分，好明顯軟硬成晚既掌聲都多少少，不過最終仍輸2分！不過都係遊戲一場啫！Encore 時段，佢地要唱新歌＂山頂既朋友＂，所以要搵左個山頂既朋友出來，用 spot light 指左一個女觀眾出來，個女仔個名叫 Maggie ，自己一個人來睇，佢可以在台上近距離同佢地影相拍片，佢地仲圍住佢唱歌，之後佢地仲送左張十一月一號既飛比佢再黎睇，仲要係坐笫一行呀！真係羨慕死人喇！

Mr. Steak Buffet a la minute

約左好友去食 buffet ，依家好少去食 buffet ，一來食唔到咁多，二來冇乜邊間好食，今次去銅鑼灣恆隆果間 Mr Steak Buffet a la minute ，之前有幾次想去都去唔成，今次終於去得成，入到去見D枱好密，好有戰鬥格，即係拿拿聲做多轉果隻。

今晚唔多人，應該只有五成入座率，最多人排隊既係生蠔，佢地提供六款即開生蠔，有美國、南非、法國既蠔，佢地即場開，即場洗，每款一隻，每次每人只可取六隻，我地攞左三轉，好新鮮！另外再攞左長蟹腳，剪開個殼成條肉咁食，好好味！仲有攞左D和牛同鵝肝食，全部都係最貴果D！我見枱枱都係食呢D，其他食物真係冇乜人食，食到咁上下，有即做既心太軟，好友叫師傅代為寫朱古力字，好 surprise 好開心呀！個心太軟好暖笠笠，好好味呀！真係想再食，但係太飽喇！下次有朋友生日，可以考慮去呢度食喇！

石亭

在樂園出去食晚飯，去左尖沙咀搵食，本來去厚福街 H8果間本陣，後來想起之前去過，跟住諗起之前想去 AVA 對面果間日本餐廳，今次終於走去試，間餐廳雖然在寶勒巷的街舖，但門口很神秘，既看不到店內情況，又沒有人出入，亦只有少量告示在門外，感覺是一間只招呼日本人的店子，我們走近門口時，有人出來招呼，我們便入去看看，店裡很細，只有16個坐位，和六個 bar 枱位，當時只有一枱客四個人，店子的裝修像居酒屋，舊舊地，寫了多款精選的食品在牆上，餐牌也很簡單，以海鮮及剌身為主，亦有串燒和小食，例如魷魚一夜干、激辣鱈魚腸、爆墨魚咀等佐酒小食。

一坐低，店員放了兩碟小食，我們一邊睇餐牌，一邊如快咁食晒碟小食！實在好肚餓！店員介紹是日有新原條鮮魚，是目張魚（唔知係咪咁寫），成條做剌身之後，魚頭尾連骨煮湯，條魚細細條，片出來的肉不算多，味道新鮮， wasabi 是用新鮮手磨的，不會"攻"鼻，煮了的湯有點腥，白色的湯應該不是用這條魚的頭尾來煲的吧，煮白色的魚湯應該要一整條魚吧！食完魚食牡丹蝦，好友上次去日本北海道食過大大隻的牡丹蝦之後，對它念念不忘！所以叫來試試，雖然都唔算細隻，但係當然同日本果D無得比啦！呢兩隻都好鮮甜，蝦頭既膏仲做埋壽司比我地！好味！之後來紅豆蕃薯餅，店員話個紅豆餅唔甜，唔算係甜品，一客有兩個，每個切開兩邊，個餅入面既紅豆好明顯唔係用罐頭紅豆，D紅豆幾大粒較乾身，而且唔甜，配上軟腍腍的黃色蕃薯，好好味！接著是串燒，叫了牛舌和餃子雞翼，牛舌燒得剛剛好，上面洒了椒鹽，略咸，但適合佐酒，所以我們叫了啤酒，是 Okinawa 的  Orion 啤酒，而餃子雞翼皮脆肉 juicy ，很喜歡這兩款燒物！最後是鵝肝石鍋燒飯，原來這個飯是很細的，看石鍋上的那片鵝肝，便知道比例如何，不過這小小的鍋能做到有微微的飯焦，配埋油潤的鵝肝和豉油，好好味！

這裡的食物做得有心思，海產新鮮，環境氣氛很 friendly ，只是坐位有點迫，鄰坐很近，清楚聽到大家的談話內容，要靜一點傾計可能要坐 bar 枱，因為 bar 枱每兩個位都隔開左，會有返D距離，其實佢地有間六人房，在廁所旁邊，房門外仲有部洗衣機，關左房門就見唔到，雖然廁所有冇人都關門，但感覺不太好，順帶一提，這裡的洗手間是傳統日式的.........踎廁!

Haunted Halloween

今個月第二次來，上次冇時間玩鬼屋，今次就冇時間玩其它野！今次都係三點幾入到去，先去玩黑色聯盟私會，之前在 App 儲左五萬分，可以玩拍片喇！玩左一次再去儲分玩過，跟住去 D shop 睇下野，比上次多左野賣，仲發現原來 Duffy 專櫃搬左去第二個位，仲寫住最多只可以買5件 Duffy 產品！

我地影左一陣相就出去睇巡遊，好少企在後排，今次企正米奇飛船停既位，都好好氣氛，睇完就去灰熊山谷，在灰熊谷玩左陣，先至去森林果邊玩鬼屋，排左半個鐘左右，入面完全同舊年既無頭谷一樣，好快行完，跟住再去排詭墳學院，呢個係新既，唔同舊年間酒店，所以勁多人，仲要排好耐！條龍有時唔郁，足足排左成個鐘！但係入到去只係行幾分鐘！都唔知點解要排咁耐 ! 玩完出來已經夜間巡遊，睇完已經好攰好餓！先諗起入園後幾乎全日冇坐低過！所以連煙花都冇睇就走，趕快出去食飯！

Pizza stage

 近幾次去迪士尼都沒有在青衣食飯，因為知道商場正在翻新，工程已八八九九，今天再到來，見環境格局不變，只是商店大大改變了，多了好些食肆，當然要試新野，選了這家 Pizza Stage ，位置頗隱蔽，在戲院的後面，店子裝修帶點歐陸風，兩層高的樓底，亦放了很多真假綠色植物，有一邊是落地玻璃，多用自然光，感覺清新！

餐牌當然主打 Pizza 和意粉，就像 Pizza Hut 、 Spaghetti house 那些店一樣，也有些小食之類的食物，我們不太餓，所以只叫了兩個 lunch set，一個秘制醬燒豬肋骨半份，和秘製意大利辣肉腸6吋手拉羅馬式長薄餅，豬肋骨上面有幾片菠蘿，甜甜地，味道 OK ，pizza 味道 沒有特別，只是長長地的外型，有別一般 pizza ，我們吃過午餐，便匆匆入園了!