Joe's Billiards and Bar

今晚約了去好友東頭邨的家吃飯，今晚打邊爐，買左海鮮，有象仔蚌、蝦、龍蝦仔、䱽魚、魚卜、當然唔少得牛頸脊，同菜菜，今次少買左丸，近期大家都比較抗拒腸仔同丸類，呢類加工食品，不過仍然有一兩個好友想食，所以只係買咗好少，仲有少少雲吞、烏冬，今次份量預算得比較好，食剩好少野，今次雖然係慶祝五月之星的生日，但係竟然冇人買蛋糕！好少食生日飯冇蛋糕錢，之後睇返D9相，都會唔記得果日係慶祝生日！

食完野，壽星公話要去酒吧飲野，我地出咗去旺角西洋菜街，呢間樓上酒吧，係周慧敏同佢個老公開既，在尖沙咀也有分店，今晚好靜，計埋我地先至得三台客，呢度有桌球、掟標等等，我地純粹傾計冇玩其他野，呢度D cocktail 味道比較淡，都飲唔出又酒味！要叫 double shot 先至有濃D酒味，唔怪得咁靜啦!

FooDo

睇完戲剛好會合好友，一起吃午餐，去了這家閞了不久的餐廳，店子在女人街內，地方細細，裝修很簡單，大約有廿多個位，餐牌選擇不多，主打自家製意粉闊麵，當然要試試！叫了自家製醃肉及日本生雞蛋闊麵，和茄汁雞塊飯（唔記得名！），午餐包埋水果冰茶，係錫蘭茶浸泡蘋果，其實是沒有冰的，我另外加了湯$12，是日餐湯是蘑菇湯，好友加了一個薯蓉沙律$8，沙律是非常細份的，細過一球雪糕，我們 share食，係咁意食小小，蘑菇湯值得一讚，好味！先來意粉，醃肉只有幾片，但意粉好味，有著人手做的粗糙質地，應該真是人手做的，而且加了生雞蛋，蛋味再提昇，好味，相對來說，飯有點失色，不過雞塊都好好味，表面微微乾了點，以$53一個set lunch 確是物超所值，而且店員態度殷勤，值得再來！


我們再加甜品，不過甜品只剩焦糖脆脆雪糕，不是蛋糕，因爲其他甜品都賣晒，都別冇他選，個焦糖脆脆太甜了，配有甜味的雲呢拿雪糕，真的太甜，可能配忌廉蛋糕會好D！

拆彈專家 Shock wave

一年前，拆彈專家章 sir，做臥底一直跟隨火爆製造炸彈，一直得到火爆信任，比親弟更信任，在一次爆竊金庫的行動中，眼見同袍快被炸死，唯有身份敗露，雖然能拘捕了火爆親弟，但被火爆逃脫，警方亦有不少傷亡！一年後，火爆在金三角，招兵買馬，為了救走親弟，策劃了一場騎劫紅隧的勒索......!

今日屋企停水停電，雖然今日天氣清凉，可以唔開風扇，但係冇電就好多野都做唔到！唯有一早走出街，約了好友午餐，仲有幾個鐘，去睇返場早場消磨時間先！印象中沒有睇過早場，見拆彈專家未落畫，時間又啱啱好，就去睇呢套！先去 Starbucks 食個早餐，成個星期都冇乜食過野，食左個包飲杯豆奶，坐在室外，涼涼地幾舒服！

異形、聖約 Alien、Covenant (2D Atoms)

聖約號太空船載著二千多人，在太空尋找新的星球作為殖民地，他們接收到一個星球發出的音樂聲，知道那個星球有人類，於是他們派出一隻飛船着陸，監察一下當地情況，艦長和幾個成員及人造人Walter ，一同着陸，着陸後不久，其中兩個船員，被一些黑色的微粒入侵身體，原來這些微粒是異形，當兩人發作時，異形從他們的身體爆發出來，正當他們與異形在搏鬥的時候，突然出現了一個人，把他們帶到安全的地方，而這個人其實是人造人David，亦即是 Walter 前幾代的人做人，他們發現這裡曾經有飛船到此，發現當地有一些人類的遺體，後來得知 David 和普羅米修斯的唯一生還者 Elizabeth 一同來到這𥚃，其後 Elizabeth 死去，David 便留在這𥚃，因為他不是人類，所以不受異形襲擊，在他們等候聖約號來接他們時，他們逐一被異形襲擊......!

見到係列尼史葛導演，對上的火星任務不錯，普羅米修斯麻麻地，第一集異形後冇來者，再食老本拍返異形，絕對讓人期待，電影不在旺季上畫，已打了折扣，配上我喜歡也是他喜歡的 Michael Fassbender ，雖然一人分飾兩代人造人，從說話語氣已分別到兩者，可惜劇情有點冗長，異形的部分也沒有刺激的場面，尾場與異形對决也顯得有點馬虎！

二家姐正宗麻辣火鍋

都有一段時間冇去渡船角食野，今日相約一班好友去食火鍋，對上一次來渡船角也是跟同一班朋友食火鍋，都有好幾年時間了，訂咗枱去到都要等位，因為店內地方比較細，位亦都唔算多，等左半個鐘左右，就有位啦，佢D枱係二人或四人枱，因為用gas 爐，可以隨意合併D枱，我哋原本有七個人，但係其中一個病咗，得返六個人，佢都比張八人枱我哋，枱底有個籃比人放袋，都幾細心，我哋叫咗兩個湯底，一個係麻辣小辣，另一個係黃酒雞窩，食物方面選擇都頗多，當然唔少得叫牛肉啦，我哋叫咗牛頸脊、一條桂花魚、脆肉魚腩、響鈴、黑毛豬午餐肉、墨魚滑、冰豆腐、鴨血等等，除左火鍋料，亦有四川小食，叫左拍青瓜同皮蛋，青瓜送來時，另外來了一碟白色條狀的東西，以為係小時食，個樣似淮山，夾起來滑潺潺，吃起來又不像淮山，一問之下，原來是薯粉！是要煮的！幸好吃了沒有肚痛！

麻辣湯底看似很辣，其實一點也不辣，平時甚少吃午餐肉，這個卻很好味，這裡的食物質素好，店員友善又殷勤，值錢合理，可以再來！

Burger Guys

在於雜誌上看到介紹，趁今天去西環，就去試試，店子非常小，除了小小的廚房，就只有四個室外坐位，在店外的餐牌看看有甚麼吃，有戴口罩的男店員出來看看我要甚麼，見到套餐加$18有薯條和可樂，我問店員除了可樂有沒有其他飲品，但他戴著口罩，聽不清楚說甚麼，他指著淨薯條$18，依稀聽到他好像說國語，我就指著可樂用國語問他有沒有其他？他們有點炆憎，唔耐煩再指住淨薯條$18，溝通唔到就要淨漢堡，叫左特濃芝士漢堡$53，坐位有一對情侶，我坐在旁邊的坐位，這邊有個去水口，有蚊蟲之類的東西在飛，衛生不太好，坐在這裏可以看到製作漢堡的過程，好快有得食，芝士香濃牛肉juicy，好味！如果天氣唔熱可以堂食，否則外賣好D，因坐位少又不夠衞生，如果店員可以友善一些更好！

標記樂園潮州打冷小菜、HeSheEat

去完廸士尼，約了好友的男和我們友傾旅行地點，去左旺角打冷，佢地話經常來這裏，我哋叫咗條烏頭、蠔餅、炒蟶子、霸王雞，條烏頭唔ok，肉質仲有D霉！上次去大圍食果間正好多呢！蠔餅又少蠔，霸王雞D肉又唔夠滑，可能珠玉在前，食過更好的就覺得有比較！

我地傾左一輪，最後決定去西歐，睇過旅行社資料，又 search 一D網上資料，見到有一間叫做歐來歐去的團，價錢好平，六百幾歐羅一星期，包埋酒店帶團，一星期至十多天都有，睇下D評語見到評語好兩極，一係讚好好，一係話好差，我諗呢D平價團唔好有太大期望，我見行動程有一、兩天冇景點，只是坐車！雖然為到五千幾港元，加埋機票，都要萬三、四，未包食同入場費，我上次跟團員的團費都係$11999，加埋稅及單人房附加費等等，萬九左右，平均價團導遊質素參差，跟大間的旅行社始終有保障D，後來又搵到 Jetour有個團幾啱我地，由羅馬入英國走，好友要留在英國，跟這個團很適合，加上會去羅馬同埋會上去巴黎鐵塔，令我好期待呢！上次只去米蘭，巴黎鐵塔更只是遠觀！可以上去仲包埋在餐廳食午餐或晚餐呢！所以最後決定跟呢個團！

食完打冷，去食甜品，去白布街果邊，上次去過的那間已經轉手了，改了去 HeSheEat，很久沒有來了，甜品質素比之前差了點，不脆的拿破倫餅最令人失望！

iCremeria、Bistro Bloom 、Disney

今日約了好友去廸士尼，中午出來食飯，去左朗豪坊，去 icremeria cafe，我叫了 set lunch 坐低，好友便到到了，只是她去order 時，就話冇晒lunch ！我地 share 左一份 lunch，但係份量太少，我地去第二間食過！

上左去13樓，呢度水靜河飛，我地揀左間叫 Bistro Bloom 的餐廳，叫了天使麵和漢堡包，味道唔錯，我地傾六月旅行的 plan，之前話去大阪，後來又話想去北海道，傾傾下又想去立山黑部........最後忽然話去歐洲！我地又上網 search 資料，又上旅行社攞資料！

攪左一輪，先匆匆忙忙入去廸士尼！入到去已經黃昏，今日超多人！我地直接去玩 Iron man，都唔算多人玩，玩完出來已經做緊夜間巡遊，睇完去 shop行一陣就走，因為太多人了，趁佢放煙花即閃！